25 ліпеня, Мінск /Кар. БЕЛТА/. У Казані завяршыўся Кубак нацый па хакеі на траве, у якім прымалі ўдзел беларускія і расійскія спартсмены, паведамляе карэспандэнт БЕЛТА.
Перамогу ў жаночым турніры атрымала нацыянальная каманда Беларусі, у фінале нашы спартсменкі ў серыі булітаў абыгралі зборную Расіі - 6:5. Бронзавымі прызёрамі сталі беларускія дзяўчаты да 21 года, якія ў матчы за трэцяе месца перамаглі расійскіх равесніц - 2:1.
Мужчынская зборная Беларусі заняла на турніры другое месца, уступіўшы расіянам у вырашальным матчы з лікам 2:7. Наша маладзёжная каманда засталася чацвёртай, у паядынку за бронзу зборная Расіі - U21 была мацнейшай - 2:1.-0-