Мабільная версія
ДЗЯРЖОРГАНЫ

Апошнія навіны
Усе навіны

Пяціборка Ірына Прасянцова заваявала бронзу на ЧЕ і атрымала ліцэнзію на Алімпіяду ў Токіа

Спорт 12.08.2019 | 16:23
Фота Беларускай федэрацыі сучаснага пяцібор'я
Фота Беларускай федэрацыі сучаснага пяцібор'я

12 жніўня, Мінск /Кар. БЕЛТА/. Ірына Прасянцова заваявала бронзу на чэмпіянаце Еўропы па сучасным пяцібор'і і атрымала імянную ліцэнзію на XXXII летнюю Алімпіяду ў Токіа, паведамляе карэспандэнт БЕЛТА.

У фінале спаборніцтваў беларуска ўпэўнена пачала выступленне, заняўшы першае месца ў фехтаванні. Ірыне Прасянцовай не ўдалося трапіць на прызавыя месцы ў плаванні, канкуры і бегу са стральбой, але заробленых ачкоў ёй хапіла, каб стаць бронзавым прызёрам - 1364 балы.

Першае месца заняла Лаўра Асадаўскайтэ з Літвы - 1390 ачкі, а сярэбраны медаль заваявала Кейт Фрэнч з Вялікабрытаніі - 1381.

Іншыя беларускі паказалі больш нізкія рэзультаты: Вольга Сілкіна заняла шостае месца - 1346 балаў, Настасся Пракапенка, якая перамагала на чэмпіянатах Еўропы 2017 года ў Мінску і ў 2012-м у Сафіі (Балгарыя), завяршыла барацьбу на 15-м радку пратакола - 1319.

У камандным заліку жаночая зборная Беларусі была ўдастоена сярэбранай узнагароды - 4029 балаў. Залаты медаль у брытанак - 4074 ачкі.

Фота Беларускай федэрацыі сучаснага пяцібор'я
Фота Беларускай федэрацыі сучаснага пяцібор'я'

Як растлумачылі ў Федэрацыі сучаснага пяцібор'я, па выніках кантынентальнага форуму ў беларускай каманды цяпер дзве ліцэнзіі на Алімпійскія гульні ў Токіа. Настасся Пракапенка атрымала права выступіць на галоўных стартах чатырохгоддзя, перамогшы раней у 2018 годзе на чэмпіянаце свету ў Мехіка, другую пуцёўку ў сталіцу Японіі зарабіла Ірына Прасянцова. Адзначым, у верасні 2018-га Настасся Пракапенка і Ірына Прасянцова занялі першае месца на сусветным форуме ў эстафеце.

Галоўным стартам бягучага сезона для пяціборцаў стане чэмпіянат свету ў Будапешце (1-8 верасня), дзе прадоўжыцца адбор на Алімпійскія гульні.-0-

Фота Беларускай федэрацыі сучаснага пяцібор'я

Версія для друку
Навіны рубрыкі Спорт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Прафілактыка ўкусаў змей У Беларусі жывуць тры віды змей: вуж, мядзянка, гадзюка звычайная (адзіная ядавітая).