2 жніўня, Токіа /Кар. БЕЛТА/. Кубінскі барэц Міхаін Лопес Нуньес выйграў золата Алімпіяды ў Токіа, перадае карэспандэнт БЕЛТА.
У вырашальнай сустрэчы Міхаін Лопес Нуньес, які выступае ў вазе 130 кг, перамог грузіна Якаба Каджая - 5:0.
Спартсмен выйграў чацвёртае аліпійскае золата, устанавіўшы рэкорд у сваім відзе спорту па колькасці заваяваных алімпійскіх узнагарод вышэйшай пробы. Апошнія секунды сустрэчы ператварыліся ў нястрымнае свята.
Бронзавыя медалі на рахунку расіяніна Сяргея Сямёнава і турка Рызы Каяалпа.-0-