25 жніўня, Мінск /Кар. БЕЛТА/. Расійскі паўабаронца бабруйскай "Белшыны" Ілья Васільеў прызнаны лепшым іграком 18-га тура футбольнага чэмпіянату Беларусі, паведамляе карэспандэнт БЕЛТА.
У пераможным гасцявым паядынку з "Гомелем" 25-гадовы хаўбэк бабруйчан быў адным з лідараў каманды і двойчы паразіў вароты сапернікаў. У выніку "Белшына" выйграла з вялікім лікам 3:0 і паднялася на 11-е месца ў турнірнай табліцы.
Перад матчамі 19-га тура становішча каманд такое: БАТЭ - 36 ачкоў (18 матчаў), "Шахцёр" - 36 (17), "Энергетык-БДУ" (Мінск) - 34 (17), "Дынама" (Мінск) - 32 (16), "Іслач" (Мінскі раён) - 31 (18), "Мінск" - 30 (18), "Гомель" - 28 (18), "Тарпеда-БелАЗ" (Жодзіна) - 25 (18), "Славія" - 24 (18), "Нёман" (Гродна) - 24 (17), "Белшына" (Бабруйск) - 21 (18), "Слуцк" - 18 (18), "Віцебск" - 14 (18), "Арсенал" (Дзяржынск) - 13 (18), "Дынама" (Брэст) - 11 (17), "Днепр" (Магілёў) - 9 (18). Спіс лепшых бамбардзіраў узначальвае Бабір Абдзіхолікаў ("Энергетык-БДУ"), які забіў 17 мячоў.
Цэнтральным паядынкам будучага тура стане сустрэча паміж БАТЭ і "Шахцёрам", якая адбудзецца 28 жніўня на полі "Барысаў-Арэны".
Расклад астатніх гульняў:
26 жніўня "Арсенал" - "Тарпеда-БелАЗ";
27 жніўня "Мінск" - "Слуцк", "Энергетык-БДУ" - "Дынама" (Брэст), "Белшына" - "Дынама" (Мінск);
28 жніўня "Славія" - "Віцебск", "Днепр" - "Гомель".-0-
