9 студзеня, Мінск /Кар. БЕЛТА/. Экіпаж "МАЗ-СПОРТаўта" пад кіраўніцтвам Сяргея Вязовіча, страціўшы 16 мінут, завяршыў чацвёрты этап ралі "Дакар" на 6-й пазіцыі і страціў лідарства, паведамляе карэспандэнт БЕЛТА.
Экіпаж Сяргея Вязовіча цяпер займае другое месца і прайграе больш як 10 мінут новаму лідару, расійскаму экіпажу пад кіраўніцтвам Андрэя Каргінава з каманды "КАМАЗ-майстар". Яшчэ адзін прадстаўнік гэтай дружыны - экіпаж Антона Шыбалава - уступае сваім суайчыннікам 15 мінут.
Пяты этап гонкі пройдзе паміж Эль-Улай і Хаілем. Дыстанцыя складзе 350 км, прычым 40 працэнтаў яе складуць дзюны.
"Дакар" упершыню праходзіць на Блізкім Усходзе, куды старты перайшлі пасля 11 гадоў у Паўднёвай Амерыцы. З 2020 года як мінімум пяць гадоў запар ралі-марафон будзе прымаць Саудаўская Аравія. Уся дыстанцыя складзе 7900 км. На старт выйшаў 351 экіпаж (134 пазадарожнікі і UTV, 170 матацыклаў і квадрацыклаў, 47 грузавікоў). Фінішуе ралі-рэйд 17 студзеня ў Кідыі.-0-
