2 сакавіка, Мінск /Кар. БЕЛТА/. Беларускія спартсмены заклікаюць алімпійскі рух да з'яднанасці і міралюбнасці, паведамілі БЕЛТА ў Нацыянальным алімпійскім камітэце Беларусі.
Камісія спартсменаў НАК Беларусі ў сваёй заяве выказала катэгарычную нязгоду з заклікамі выканкама МАК адхіліць атлетаў ад удзелу ў міжнародных спаборніцтвах, не выкарыстоўваць дзяржаўны сцяг Беларусі і не выконваць дзяржаўны гімн.
У камісіі расцэньваюць такія рашэнні, як дыскрымінацыю, а адхіленне ад удзелу ў спаборніцтвах ні ў чым не вінаватых спартсменаў, якія нічога не парушылі, непрымальным.
"Спартыўныя спаборніцтвы заўсёды былі сімвалам аб'яднання атлетаў усіх краін у сумленнай і раўнапраўнай барацьбе, і некалі менавіта ідэя прадаўжаць мерацца сіламі ў спартыўных спаборніцтвах наперакор усім геапалітычным рознагалоссям і стварыла алімпійскі рух. Заклікаем усю міжнародную спартыўную супольнасць прадухіліць распальванне варожасці, злосці і нянавісці ў рамках спартыўнай грамадскасці і быць прыкладам з'яднанасці і міралюбнасці", - гаворыцца ў заяве.-0-
