ДЗЯРЖОРГАНЫДЗЯРЖОРГАНЫ
Флаг Чацвер, 5 жніўня 2021
Мінск Пераменная воблачнасць +17°C
Усе навіны
Усе навіны
Спорт
28 мая 2021, 17:02

Беларускія атлеты прымуць удзел у Міжнародным форуме алімпійцаў

Фота НАК Беларусі
Фота НАК Беларусі

28 мая, Мінск /Кар. БЕЛТА/. У Маскве 1 чэрвеня адбудзецца Міжнародны форум юных алімпійцаў, які збярэ маладых спартсменаў і будзе прысвечаны алімпійскім каштоўнасцям і прынцыпам, а таксама правілам чыстага спорту. У ім прымуць удзел прадстаўнікі Беларусі, паведамілі БЕЛТА ў прэс-службе НАК.

Беларусь на форуме прадставяць чэмпіён III зімовых юнацкіх Алімпійскіх гульняў 2020 года (Лазана, Швейцарыя) па хакеі з шайбай 3 на 3 Ілья Корзун, двухразовы чэмпіён III летніх юнацкіх Алімпійскіх гульняў 2018 года (Буэнас-Айрэс, Аргенціна) па дзюдо Арцём Коласаў, бронзавы прызёр III летніх юнацкіх Алімпійскіх гульняў 2018 года (Буэнас-Айрэс, Аргенціна) па жаночай барацьбе Наталля Варакіна і бронзавы прызёр XV летняга Еўрапейскага юнацкага алімпійскага фестывалю 2019 года (Баку, Азербайджан) па жаночай барацьбе Аляксандра Кіслякова.

Галоўныя задачы форуму - фарміраванне высокай антыдопінгавай культуры і ўсвядомленага непрымання негатыўных з'яў у спорце сярод маладых спартсменаў. У мерапрыемстве прымуць удзел кіраўнікі Алімпійскага камітэта Расіі, прадстаўнікі ВАДА і РУСАДА, Міністэрства спорту РФ.

З-за дзеючых па ўсім свеце абмежаванняў, уведзеных на фоне пандэміі, у гэтым годзе еўрапейскія ўдзельнікі не змогуць асабіста наведаць форум. Спецыяльна для іх у Палацы гімнастыкі Ірыны Вінер-Усманавай адкрыецца спецыяльная студыя, а ў госці да вядучых заглянуць міжнародныя эксперты і расійскія алімпійцы. Прамая трансляцыя будзе весціся на афіцыйным сайце АКР. Дыстанцыйны ўдзел у Міжнародным форуме юных алімпійцаў пацвердзілі ўжо прадстаўнікі НАК Славакіі, Славеніі, Малдовы, Грузіі, Грэцыі, Партугаліі, Польшчы, Сербіі, Туркменістана, Эстоніі, Літвы.

Арганізатарам форуму з'яўляецца Алімпійскі камітэт Расіі пры падтрымцы Сусветнага антыдопінгавага агенцтва (ВАДА), а таксама пры садзейнічанні Расійскага антыдопінгавага агенцтва (РУСАДА) і Дэпартамента спорту Масквы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі