16 студзеня, Мінск /Кар. БЕЛТА/. Вядомы беларускі абаронца Сяргей Паліцевіч перайшоў у салігорскі "Шахцёр" з алмацінскага "Кайрата". Кантракт з 29-гадовым футбалістам падпісаны тэрмінам на тры гады, паведамляе афіцыйны сайт салігорскага клуба.
У складзе "Кайрата" Сяргей Паліцевіч выступаў з 2018 года, стаўшы сярэбраным прызёрам і ўладальнікам Кубка Казахстана. Да гэтага ён гуляў у мінскім "Дынама", наваполацкім "Нафтане", самарскіх "Крылах Саветаў" і турэцкім "Генчлербірлігі" з Анкары.
Нядаўна ў салігорскі "Шахцёр" з брэсцкага "Дынама" перайшоў вопытны галкіпер Аляксандр Гутар, а ў зваротным напрамку адправіўся албанскі паўабаронца Эліс БакаЙ. Акрамя таго, з Салігорска ў тульскі "Арсенал" перабраліся беларускія паўабаронцы Юрый Кавалёў і Валерый Грамыка. Завяршылі выступленні ў "Шахцёры" яшчэ некалькі вопытных ігракоў, сярод якіх форвард Мікалай Януш, паўабаронца Аляксандр Валадзько і абаронца Павел Рыбак.
У гэтыя дні футбалісты "Шахцёра" рыхтуюцца да новага сезона ў Салігорску, а 20 студзеня адправяцца на першы вучэбна-трэніровачны збор у Турцыю.-0-
