29 лістапада, Мінск /Кар. БЕЛТА/. Выканкам асацыяцыі "Беларуская федэрацыя футбола" прыняў рашэнне аб правядзенні чарговага міжнароднага турніру юнацкіх зборных "Кубак развіцця - 2023" на прызы АБФФ і Мінгарвыканкама, паведамляе карэспандэнт БЕЛТА.
У 19-х па ліку спаборніцтвах прымуць удзел восем каманд, складзеных з футбалістаў 2006-2007 гадоў нараджэння. Матчы пройдуць у сталічным футбольным манежы з 4 па 12 лютага.
У папярэднім турніры перамаглі футбалісты Ізраіля. Больш за ўсё перамог на рахунку зборнай Расіі, якая пяць разоў заваёўвала трафей (2008, 2010, 2014, 2015, 2017), па чатыры разы поспех святкавалі футбалісты Беларусі (2006, 2007, 2019, 2020) і Украіны (2009, 2012, 2016 і 2018), двойчы лепшай станавілася каманда Бельгіі (2011, 2013), у 2005 годзе не было роўных зборнай Сербіі і Чарнагорыі, у 2018-м перамаглі таджыкі.-0-
