6 жніўня, Мінск /Кар. БЕЛТА/. Беларуская тэнісістка Аляксандра Сасновіч (119-ы нумар рэйтынгу WTA) выйшла ў чвэрцьфінал турніру ў італьянскім Палерма з прызавым фондам $202 тыс., паведамляе карэспандэнт БЕЛТА.
5 жніўня ў паядынку 1/8 фіналу адзіночнага разраду Аляксандра Сасновіч абыграла ў двух сэтах прадстаўніцу Італіі Ясмін Пааліні (95) - 6:0, 6:2. Сустрэча прадаўжалася 1 гадзіну 12 мінут.
У першым раўндзе беларуска ўпэўнена перамагла ў двух сэтах 23-ю ракетку планеты бельгійскую тэнісістку Элізэ Мертэнс - 6:4, 6:1.
У асноўную сетку спаборніцтваў у Палерма Аляксандра Сасновіч прабілася праз кваліфікацыю, перамогшы расіянку Настассю Камардзіну (201), чэшку Тэрэзу Марцінцаву (133) і іспанку Лару Аруабарэну-Весіна (154).
Турнір Palermo Ladies Open, які фінішуе 9 жніўня, з'яўляецца першым афіцыйным пасля перапынку, звязанага з пандэміяй COVID-19.-0-