22 студзеня, Мінск /Кар. БЕЛТА/. Беларуская тэнісістка Аляксандра Сасновіч і славачка Вікторыя Кужмава перамаглі на старце парнага разраду адкрытага чэмпіянату Аўстраліі ў Мельбурне, паведамляе карэспандэнт БЕЛТА.
Сёння ў 1/32 фіналу беларуска-славацкі тандэм за дзве гадзіны перайграў у трохсэтавым паядынку аўстралійскі дуэт Аляксандра Базовіч / Эмбер Маршал - 6:2, 4:6, 6:3.
Яшчэ адна беларуска Арына Сабаленка і бельгійка Элізе Мертэнс у першым раўндзе згуляюць з амерыканска-чэшскім тандэмам Кэтрын Беліс / Маркета Вандраушава.
У адзіночным разрадзе Аляксандра Сасновіч (94-ы нумар сусветнага рэйтынгу) і Арына Сабаленка (12-ы) завяршылі выступленні, прайграўшы свае стартавыя паядынкі.
У 1/64 фіналу мужчынскага адзіночнага разраду беларус Ягор Герасімаў (98) адолеў нарвежца Каспера Руўда (48) і ў другім раўндзе сустрэнецца з сёмай ракеткай планеты Аляксандрам Зверавым з Германіі.
У 1/32 фіналу мужчынскага парнага разраду беларус Андрэй Васілеўскі і расіянін Андрэй Рублёў прайгралі сёння аўстралійскаму дуэту Макс Пёрсел / Люк Сэвіл - 3:6, 2:6.-0-