Фота з архіва
10 красавіка, Мінск /Кар. БЕЛТА/. У Нацыянальным цэнтры мастацкай творчасці дзяцей і моладзі праходзіць фінал рэспубліканскага конкурсу "Я патрыёт сваёй краіны" ў рамках культурна-адукацыйнай патрыятычнай акцыі "Поезд Памяці", перадае карэспандэнт БЕЛТА.
Начальнік галоўнага ўпраўлення выхаваўчай работы і маладзёжнай палітыкі Міністэрства адукацыі Віктар Доўнар, вітаючы ўдзельнікаў конкурсу, адзначыў, што яны ўсе ўжо з'яўляюцца пераможцамі. "Вы прайшлі адборы на ўсіх узроўнях - школьным, раённым, абласным, сёння фінал конкурсу "Я патрыёт сваёй краіны". У журы ўвайшлі два ўдзельнікі першых двух сезонаў "Поезда Памяці". У вас будзе магчымасць з імі паразмаўляць, яны раскажуць, як гэта было здорава. Паколькі на працягу двух тыдняў дзеці з дзвюх краін, а ў мінулым годзе да праекта далучыліся яшчэ дзве краіны, размаўлялі, яны прайшлі па баявых месцах славы, дзе нашы дзяды і прадзеды вызвалялі Савецкі Саюз, пралівалі кроў, аддавалі жыццё за свабоду, мір. А ўсё для таго, каб мы сёння жылі пад мірным небам", - сказаў ён.
У фінале конкурсу члены журы ацэньваюць "Візітную картку" ўдзельнікаў. Фіналісты ў адвольнай творчай форме расказваюць пра сябе, сям'ю, сяброў, хобі і захапленні, свае дасягненні, уменні, навыкі, удачна рэалізаваныя сацыяльныя праекты, а таксама дзеляцца вопытам, які яны выкарыстоўваюць у вучобе, грамадскім і штодзённым жыцці для дасягнення мэт.
Арганізатарамі конкурсу выступілі Міністэрства адукацыі і Нацыянальны цэнтр мастацкай творчасці дзяцей і моладзі. Мерапрыемства праводзіцца з мэтай распаўсюджвання вопыту паспяховай работы лідараў, фарміравання пазітыўнага вобраза юнага лідара, выбару ўдзельнікаў культурна-адукацыйнай патрыятычнай акцыі "Поезд Памяці". Удзел у ім прынялі школьнікі, якія дасягнулі высокіх паказчыкаў у вучэбнай, грамадскай, спартыўнай, валанцёрскай дзейнасці, лідары вучнёўскага самакіравання, актывісты грамадскіх арганізацый, навучэнцы ваенна-патрыятычных, кадэцкіх класаў, выхаванцы ваенна-патрыятычных клубаў, члены маладзёжных парламентаў, а таксама ўдзельнікі праекта "Пост Памяці". Фінал прадоўжыцца два дні.-0-
Начальнік галоўнага ўпраўлення выхаваўчай работы і маладзёжнай палітыкі Міністэрства адукацыі Віктар Доўнар, вітаючы ўдзельнікаў конкурсу, адзначыў, што яны ўсе ўжо з'яўляюцца пераможцамі. "Вы прайшлі адборы на ўсіх узроўнях - школьным, раённым, абласным, сёння фінал конкурсу "Я патрыёт сваёй краіны". У журы ўвайшлі два ўдзельнікі першых двух сезонаў "Поезда Памяці". У вас будзе магчымасць з імі паразмаўляць, яны раскажуць, як гэта было здорава. Паколькі на працягу двух тыдняў дзеці з дзвюх краін, а ў мінулым годзе да праекта далучыліся яшчэ дзве краіны, размаўлялі, яны прайшлі па баявых месцах славы, дзе нашы дзяды і прадзеды вызвалялі Савецкі Саюз, пралівалі кроў, аддавалі жыццё за свабоду, мір. А ўсё для таго, каб мы сёння жылі пад мірным небам", - сказаў ён.
У фінале конкурсу члены журы ацэньваюць "Візітную картку" ўдзельнікаў. Фіналісты ў адвольнай творчай форме расказваюць пра сябе, сям'ю, сяброў, хобі і захапленні, свае дасягненні, уменні, навыкі, удачна рэалізаваныя сацыяльныя праекты, а таксама дзеляцца вопытам, які яны выкарыстоўваюць у вучобе, грамадскім і штодзённым жыцці для дасягнення мэт.
Арганізатарамі конкурсу выступілі Міністэрства адукацыі і Нацыянальны цэнтр мастацкай творчасці дзяцей і моладзі. Мерапрыемства праводзіцца з мэтай распаўсюджвання вопыту паспяховай работы лідараў, фарміравання пазітыўнага вобраза юнага лідара, выбару ўдзельнікаў культурна-адукацыйнай патрыятычнай акцыі "Поезд Памяці". Удзел у ім прынялі школьнікі, якія дасягнулі высокіх паказчыкаў у вучэбнай, грамадскай, спартыўнай, валанцёрскай дзейнасці, лідары вучнёўскага самакіравання, актывісты грамадскіх арганізацый, навучэнцы ваенна-патрыятычных, кадэцкіх класаў, выхаванцы ваенна-патрыятычных клубаў, члены маладзёжных парламентаў, а таксама ўдзельнікі праекта "Пост Памяці". Фінал прадоўжыцца два дні.-0-
