"Сам сябе закопвае". Чаму заявы Трампа перасталі ўспрымаць сур'ёзна, растлумачыла Манцян

13 жніўня, Мінск /Кар. БЕЛТА/. Чаканні, звязаныя з Дональдам Трампам, з часам знізіліся з-за яго непаслядоўных заяў і супярэчлівай рыторыкі. Такое меркаванне ў праекце "У тэме" на YouTube-канале БЕЛТА выказала юрыст і блогер Таццяна Манцян, каменціруючы нядаўняе інтэрв'ю Прэзідэнта Беларусі Аляксандра Лукашэнкі часопісу Time.

"Трамп сам вінаваты. На яго ўскладаліся вялікія надзеі, асабліва пасля ўлады дэмакратаў, якія стамілі ўвесь свет. Правільна сказаў Лукашэнка: прыехаў Сорас (Джордж Сорас - амерыканскі фінансіст, інвестар, аўтар знакамітай метадычкі. - Заўвага БЕЛТА), я яму адкрыта сказаў, што працаваць з вамі не збіраюся і губіць сваю краіну не маю намеру. Пасля таго як трампісты знеслі дэмакратаў, была вялікая надзея, што нешта кардынальна зменіцца. І спачатку да яго слоў адносіліся сур'ёзна, але калі адзін дзень адно, другі - другое, і гэтак пяць разоў, ён ператварыўся ў генератар выпадковых фраз. Вядома, ніхто сур'ёзна да яго больш не адносіцца", - адзначыла Таццяна Манцян.

Спікер таксама пракаменціравала словы Прэзідэнта Беларусі пра пошліны і шантаж сусветнай супольнасці з боку Амерыкі: "Што ён сказаў? У вас няма іншых праблем, акрамя як шантажыраваць увесь свет пошлінамі і гэтак далей? Таму Трамп сам сябе закопвае".

Паводле слоў Таццяны Манцян, выказванні Аляксандра Лукашэнкі былі карэктнымі, прамымі і слушнымі: "Не ведаю, як гэта ўспрынялі ў Штатах. Думаю, менавіта так".-0-