ДЗЯРЖОРГАНЫДЗЯРЖОРГАНЫ
Флаг Панядзелак, 6 лютага 2023
Мінск Суцэльная воблачнасць -5°C
Усе навіны
Усе навіны
Грамадства
05 снежня 2022, 14:48

Піневіч: якасць аказання медыцынскай дапамогі ў значнай ступені залежыць ад кадраў

У час даклада
У час даклада

5 снежня, Мінск /Кар. БЕЛТА/. Якасць аказання медыцынскай дапамогі ў значнай ступені залежыць ад кадраў, якія працуюць у той ці іншай установе аховы здароўя. Аб гэтым заявіў журналістам міністр аховы здароўя Дзмітрый Піневіч пасля даклада Прэзідэнту Беларусі Аляксандру Лукашэнку, дзе кіраўнік дзяржавы расказаў гісторыю пра пацыентку з бальніцы ў Шклоўскім раёне, перадае карэспандэнт БЕЛТА.

"Ільвіная доля ў якасці аказання медыцынскай дапамогі - гэта кадры. Мы можам аснасціцца, зрабіць новыя сцены, але калі доктар або медыцынскі спецыяліст не выконвае ўсё, што яму належыць выканаць, а вертыкаль не выконвае свае функцыі, у тым ліку кантролю, вось і атрымліваюцца такія выпадкі, аб якіх ў пачатку размовы паставіў пытанне Прэзідэнт", - сказаў Дзмітрый Піневіч.

Ён адзначыў, што ўзровень аказання меддапамогі ў абласной бальніцы, куды пазней перавялі пацыентку, вядома, вышэйшы, чым у раённай, і так павінна быць. "Але калі ў раённай ёсць рэанімацыя, анестэзіялогія, яны павінны выконваць свае функцыі", - падкрэсліў міністр. Паводле яго слоў, для кантролю за станам медустаноў і ўзроўнем аказання медыцынскай дапамогі праводзіцца атэстацыя. У ходзе яе выяўляецца шэраг недахопаў. Гэта работа будзе прадоўжана з боку Міністэрства аховы здароўя. "Нам ёсць аб чым пытацца, і з нас ёсць за што патрабаваць", - падагульніў Дзмітрый Піневіч.

Прэзідэнт, прымаючы з дакладам міністра аховы здароўя, расказаў гісторыю пра жанчыну, якая першапачаткова трапіла ў бальніцу ў Шклоўскім раёне і знаходзілася пры смерці. Дзякуючы ўмяшанню Прэзідэнта яе ўдалося выратаваць, і цяпер ужо яе жыццю нічога не пагражае. "У шклоўскай бальніцы я яе практычна выцягнуў з морга. Сёння яна адключана ад апарата ШВЛ. Дынаміка, кажуць, дай бог, каб так і далей было, нядрэнная", - адзначыў Аляксандр Лукашэнка.

"Паўстае пытанне, Дзмітрый Леанідавіч, або крыху вас панесла ў сістэме і вас як міністра і вы лечыце толькі там, дзе трэба лячыць, або вы будзеце лячыць людзей так, як я ад вас заўсёды патрабаваў? Мяне гэта вельмі насцярожвае. Начальнікі, яшчэ там нехта... Вось тут вы лечыце. А людзі больш простыя, недзе там у нейкіх раённых бальніцах... Ну ёсць там ФАП. Ходзіць фельчар. Яйка дадуць, выпіць сто грам дадуць, як у былыя часы, я гэта назіраў, добра. Не - нічога", - паставіў пытанне рубам кіраўнік дзяржавы.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі