Фота з архіва
19 ліпеня, Мінск /Кар. БЕЛТА/. У Беларусі сёння на большай частцы тэрыторыі прагназуюцца навальніцы і ліўні, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Аб'яўлены аранжавы ўзровень небяспекі. Месцамі пры навальніцах магчымы моцныя ліўні.
Будзе пераважаць воблачнае надвор'е. У асобных раёнах магчымы град. Раніцай месцамі - слабы туман. Вецер пераменных напрамкаў 3-8 м/с, пры навальніцах парывы да 14 м/с.
Тэмпература паветра максімальная днём - 21-27 градусаў.-0-
