25 чэрвеня, Мінск /Кар. БЕЛТА/. З пераліку краін, у якіх рэгіструюцца выпадкі інфекцыі COVID-19, выключаны яшчэ 14 дзяржаў. Аб гэтым БЕЛТА паведамілі ў Міністэрстве аховы здароўя.
Міністэрства аховы здароўя на падставе прынятых крытэрыяў актуалізавала пералік краін, у якіх рэгіструюцца выпадкі інфекцыі COVID-19. Па стане на 25 чэрвеня з пераліку дадаткова выключаны 14 дзяржаў. Гэта Аўстралія, Егіпет, Ізраіль, Грузія, Канада, Нідэрланды, Вялікабрытанія, Аб'яднаныя Арабскія Эміраты, Казахстан, Рэспубліка Карэя, Сінгапур, ЗША, Турцыя і Японія.
"Людзі, якія прыехалі з гэтых краін, не абавязаны знаходзіцца ў самаізаляцыі на працягу 14 каляндарных дзён з дня прыбыцця ў Беларусь. У адносінах да асоб, якія прыбылі ў Беларусь з краін, выключаных 25 чэрвеня з пераліку, далейшае знаходжанне ў самаізаляцыі не патрабуецца", - адзначылі ў Міністэрстве аховы здароўя.-0-
