28 красавіка, Мінск /Кар. БЕЛТА/. Праблемы з доступам на афіцыйны сайт БелАЭС узніклі з-за падмены IP-адраса. Для ўкідвання недакладнай інфармацыі зламыснікі стварылі фішынгавую старонку з атрыбутамі сайта станцыі, куды перанакіроўваліся карыстальнікі. Аб гэтым БЕЛТА паведамілі ў прэс-службе Міністэрства энергетыкі.
"Работа афіцыйнага сайта БелАЭС не парушалася. Па факце выяўлення падмены ІР-адраса фішынгавая старонка была заблакіравана. Устанаўліваюцца асобы, маючыя дачыненне да інцыдэнту. У сувязі з тым, што сайт БелАЭС не размешчаны на серверах станцыі, інцыдэнт не ўяўляе сабой пагрозы для яе інфармацыйных сістэм", - расказалі ў Мінэнерга.
Там таксама дадалі, што на БелАЭС дзейнічаюць комплексныя меры па забеспячэнні інфармацыйнай бяспекі.-0-
