10 красавіка, Мінск /Кар. БЕЛТА/. Дэпутаты маглі б выкарыстоўваць матэрыялы праекта БЕЛТА "Паралельныя светы" ў рабоце з выбаршчыкамі. Такім меркаваннем з карэспандэнтам БЕЛТА падзяліўся старшыня Пастаяннай камісіі па ахове здароўя, фізічнай культуры, сямейнай і маладзёжнай палітыцы Палаты прадстаўнікоў Нацыянальнага сходу Рэспублікі Беларусь восьмага склікання Валерый Малашка.
Ён звярнуў увагу, што выстава, пабудаваная на кантрасце, уключыла ў сябе факты, перажытыя многімі беларусамі. "Тут нічога не прыдумана. Тут тое, што праходзіць і праз маю асабістую біяграфію, праз маё жыццё. Кожны беларус знойдзе нешта асабістае ў гэтай выставе", - сказаў Валерый Малашка.
Паводле яго слоў, матэрыялы экспазіцыі маглі б выкарыстоўвацца дэпутатамі ў рабоце з насельніцтвам. Выступленне перад працоўнымі калектывамі, перад грамадскасцю з апорай на адлюстраваныя ў фотаматэрыялах факты стане больш даступным, вострым, уражальным.
Такім чынам, лічыць старшыня Пастаяннай камісіі, выстава павінна пайсці "па краіне праз дэпутата, праз работу яго ў акрузе з выбаршчыкамі".
Пры гэтым, лічыць ён, у выступленні важна адлюстроўваць асабістае стаўленне і суправаджаць яго гісторыяй са свайго жыцця.
"Вельмі важна атрымаць нейкі электронны рэсурс (электронную копію гэтай экспазіцыі. - Заўвага БЕЛТА), каб выкарыстоўваць для сустрэчы з выбаршчыкамі. З гэтай просьбай мы сёння звярнуліся да кіраўніцтва Беларускага тэлеграфнага агенцтва", - сказаў Валерый Малашка.
Гаворачы ў цэлым аб сацыяльна-палітычнай абстаноўцы, старшыня Пастаяннай камісіі звярнуў увагу, што любыя парывы, не заснаваныя на стваральнай працы, - праходзяць. З'яднанне, апора на традыцыйныя каштоўнасці, традыцыйную культуру, сваю сям'ю, дом - усё гэта фарміруе нацыю і вядзе да перамогі.
Аснову праекта "Паралельныя светы" склалі 17 плакатаў, на якіх можна ўбачыць кадры з архіва агенцтва і Беларускага дзяржаўнага архіва кінафотафонадакументаў, якія адлюстроўваюць два светы: свет дзяржавы - стварэння і развіцця і свет апазіцыі - разбурэння і дэградацыі. Раней выстава працавала на 22-м паверсе Нацыянальнай бібліятэкі, дзе размешчана аглядная пляцоўка. З 17 па 21 студзеня экспазіцыю наведалі больш за 8 тыс. чалавек. Затым, 22 студзеня, праект пераехаў на Мінскі аўтамабільны завод, а пазней фотавыставу прадставілі ў Беларускім дзяржаўным універсітэце. Сёння яе адкрылі ў Прэзідэнцкай бібліятэцы Беларусі з удзелам дэпутатаў Палаты прадстаўнікоў Нацыянальнага сходу восьмага склікання.-0-
Ён звярнуў увагу, што выстава, пабудаваная на кантрасце, уключыла ў сябе факты, перажытыя многімі беларусамі. "Тут нічога не прыдумана. Тут тое, што праходзіць і праз маю асабістую біяграфію, праз маё жыццё. Кожны беларус знойдзе нешта асабістае ў гэтай выставе", - сказаў Валерый Малашка.
Паводле яго слоў, матэрыялы экспазіцыі маглі б выкарыстоўвацца дэпутатамі ў рабоце з насельніцтвам. Выступленне перад працоўнымі калектывамі, перад грамадскасцю з апорай на адлюстраваныя ў фотаматэрыялах факты стане больш даступным, вострым, уражальным.
Такім чынам, лічыць старшыня Пастаяннай камісіі, выстава павінна пайсці "па краіне праз дэпутата, праз работу яго ў акрузе з выбаршчыкамі".
Пры гэтым, лічыць ён, у выступленні важна адлюстроўваць асабістае стаўленне і суправаджаць яго гісторыяй са свайго жыцця.
"Вельмі важна атрымаць нейкі электронны рэсурс (электронную копію гэтай экспазіцыі. - Заўвага БЕЛТА), каб выкарыстоўваць для сустрэчы з выбаршчыкамі. З гэтай просьбай мы сёння звярнуліся да кіраўніцтва Беларускага тэлеграфнага агенцтва", - сказаў Валерый Малашка.
Гаворачы ў цэлым аб сацыяльна-палітычнай абстаноўцы, старшыня Пастаяннай камісіі звярнуў увагу, што любыя парывы, не заснаваныя на стваральнай працы, - праходзяць. З'яднанне, апора на традыцыйныя каштоўнасці, традыцыйную культуру, сваю сям'ю, дом - усё гэта фарміруе нацыю і вядзе да перамогі.
Аснову праекта "Паралельныя светы" склалі 17 плакатаў, на якіх можна ўбачыць кадры з архіва агенцтва і Беларускага дзяржаўнага архіва кінафотафонадакументаў, якія адлюстроўваюць два светы: свет дзяржавы - стварэння і развіцця і свет апазіцыі - разбурэння і дэградацыі. Раней выстава працавала на 22-м паверсе Нацыянальнай бібліятэкі, дзе размешчана аглядная пляцоўка. З 17 па 21 студзеня экспазіцыю наведалі больш за 8 тыс. чалавек. Затым, 22 студзеня, праект пераехаў на Мінскі аўтамабільны завод, а пазней фотавыставу прадставілі ў Беларускім дзяржаўным універсітэце. Сёння яе адкрылі ў Прэзідэнцкай бібліятэцы Беларусі з удзелам дэпутатаў Палаты прадстаўнікоў Нацыянальнага сходу восьмага склікання.-0-
