19 мая, Мінск /Кар. БЕЛТА/. Юбілейны медаль "100 год міліцыі Беларусі" заснаваны ў адпаведнасці з указам нумар 173, які афіцыйна апублікаваны сёння на Нацыянальным прававым інтэрнэт-партале, паведамляе БЕЛТА.
Указам зацверджана палажэнне аб юбілейным медалі, яго апісанне і ўзор пасведчання да яго.
Юбілейным медалём "100 год міліцыі Беларусі" будуць узнагароджвацца супрацоўнікі і цывільны персанал органаў унутраных спраў, ваеннаслужачыя (за выключэннем ваеннаслужачых тэрміновай ваеннай службы), а таксама цывільны персанал унутраных войскаў МУС за высокія вынікі ў службовай дзейнасці.
Узнагароды будуць удастойвацца таксама ветэраны органаў унутраных спраў і ўнутраных войскаў МУС, службовыя асобы дзяржаўных органаў Беларусі і іншых дзяржаў, іншыя асобы, якія ўнеслі значны ўклад у развіццё і ўдасканаленне дзейнасці ў сферы барацьбы са злачыннасцю, аховы правапарадку і забеспячэння грамадскай бяспекі.-0-
