Фота з архіва
19 лютага, Мінск /Кар. БЕЛТА/. Першы намеснік міністра эканомікі Іван Вежнавец у эфіры "Першага інфармацыйнага" расказаў аб перспектывах рабатызацыі ў Беларусі, паведамляе БЕЛТА.
"Без робатаў далейшае развіццё немагчыма. Мы гэта разумеем, таму ў праграме сацыяльна-эканамічнага развіцця на 2026-2030 гады вылучылі рабатызацыю як прыярытэт. Гэта не толькі эканомія працы і замена чалавека робатам, але і поўнае змяненне тэхналагічнага працэсу. Рабатызацыя патрабуе дакладнасці вырабаў і камплектуючых, рытмічнасці паставак. Яна мяняе падыходы да прамысловай палітыкі", - падкрэсліў Іван Вежнавец.
Рабатызацыя фарміруе новую культуру вытворчасці - дакладныя алгарытмы паставак сыравіны, тэхналогій і камплектуючых. "На рабатызаваным канвееры ўсё стандартызавана - допускі, камплектацыя, вытворчы цыкл. Таму паралельна мы мяняем тэхналагічныя працэсы на прадпрыемствах і ўкараняем нормы беражлівай вытворчасці. Разам з Дзяржстандартам увялі сертыфікаты беражлівай вытворчасці. Яны даюць агульны эфект для краіны", - падкрэсліў першы намеснік міністра.
Сертыфікат беражлівай вытворчасці - гэта працэдуры на прадпрыемстве, напрыклад, зніжэнне матэрыялаёмістасці, аналіз тэхналагічных аперацый, арганізацыя працы. Просты прыклад - уладкаванне рабочага месца, каб супрацоўнік мог дацягнуцца да інструментаў і мінімізаваць рухі. Гэта і ацэньваецца ў рамках беражлівай вытворчасці.
У свеце рабатызацыя перспектыўная ў мікраэлектроніцы, радыёэлектроніцы, аўтамабілебудаванні. "У Беларусі ж, зыходзячы з вопыту, робаты эфектыўныя там, дзе аперацыі стандартызаваныя, паўтараюцца і масавыя: зварка, фарбаванне, высокадакладныя работы. Бачым перспектывы ў машынабудаванні (ёсць напрацоўкі), асобных сферах лёгкай прамысловасці і станкабудаванні", - расказаў Іван Вежнавец.-0-
"Без робатаў далейшае развіццё немагчыма. Мы гэта разумеем, таму ў праграме сацыяльна-эканамічнага развіцця на 2026-2030 гады вылучылі рабатызацыю як прыярытэт. Гэта не толькі эканомія працы і замена чалавека робатам, але і поўнае змяненне тэхналагічнага працэсу. Рабатызацыя патрабуе дакладнасці вырабаў і камплектуючых, рытмічнасці паставак. Яна мяняе падыходы да прамысловай палітыкі", - падкрэсліў Іван Вежнавец.
Рабатызацыя фарміруе новую культуру вытворчасці - дакладныя алгарытмы паставак сыравіны, тэхналогій і камплектуючых. "На рабатызаваным канвееры ўсё стандартызавана - допускі, камплектацыя, вытворчы цыкл. Таму паралельна мы мяняем тэхналагічныя працэсы на прадпрыемствах і ўкараняем нормы беражлівай вытворчасці. Разам з Дзяржстандартам увялі сертыфікаты беражлівай вытворчасці. Яны даюць агульны эфект для краіны", - падкрэсліў першы намеснік міністра.
Сертыфікат беражлівай вытворчасці - гэта працэдуры на прадпрыемстве, напрыклад, зніжэнне матэрыялаёмістасці, аналіз тэхналагічных аперацый, арганізацыя працы. Просты прыклад - уладкаванне рабочага месца, каб супрацоўнік мог дацягнуцца да інструментаў і мінімізаваць рухі. Гэта і ацэньваецца ў рамках беражлівай вытворчасці.
У свеце рабатызацыя перспектыўная ў мікраэлектроніцы, радыёэлектроніцы, аўтамабілебудаванні. "У Беларусі ж, зыходзячы з вопыту, робаты эфектыўныя там, дзе аперацыі стандартызаваныя, паўтараюцца і масавыя: зварка, фарбаванне, высокадакладныя работы. Бачым перспектывы ў машынабудаванні (ёсць напрацоўкі), асобных сферах лёгкай прамысловасці і станкабудаванні", - расказаў Іван Вежнавец.-0-
Падпісвайцеся на нас у
