ДЗЯРЖОРГАНЫДЗЯРЖОРГАНЫ
Флаг Субота, 26 лістапада 2022
Мінск -4°C
Усе навіны
Усе навіны
Грамадства
06 кастрычніка 2022, 18:12

Хрэнін: Захад адкрыта дэманстраваў гатоўнасць развязаць агрэсію супраць Беларусі

Віктар Хрэнін
Віктар Хрэнін

6 кастрычніка, Мінск /Кар. БЕЛТА/. Захад адкрыта дэманстраваў гатоўнасць развязаць агрэсію супраць Беларусі. Аб гэтым заявіў міністр абароны Віктар Хрэнін у час брыфінгу ў Цэнтральным доме афіцэраў, перадае карэспандэнт БЕЛТА.

"У ходзе рабочай нарады па пытаннях бяспекі, якая адбылася гэтымі днямі ў Міністэрстве абароны, кіраўнік дзяржавы паставіў задачу: праінфармаваць грамадскасць аб тых працэсах у ваеннай сферы, якія адбываюцца сёння вакол Беларусі", - сказаў Віктар Хрэнін.

Міністр абароны падкрэсліў, што аб'ектыўная ваенна-палітычная абстаноўка вакол нашай дзяржавы складваецца няпростая. Яна развіваецца пад уплывам беспрэцэдэнтнага геапалітычнага проціборства паміж Расіяй і так званым калектыўным Захадам на чале з ЗША.

"Яшчэ год таму мы бачылі нарастаючую напружанасць у процістаянні краін Захаду з дзяржавамі, якія не жадаюць адмаўляцца ад свайго суверэнітэту, стаць калоніямі заходняй цывілізацыі. На неаднаразовыя заклікі да разважлівасці з боку Беларусі не было рэакцыі з боку ўлад і прадстаўнікоў еўрапейскіх дзяржаў. Пры гэтым дастаткова ўспомніць, колькі разоў за апошнія гады Прэзідэнт нашай краіны ў сваіх выступленнях, інтэрв'ю і зваротах вылучаў мірныя ініцыятывы па разрадцы сітуацыі", - звярнуў увагу Віктар Хрэнін.

Усе спробы заклікаў да розуму былі марнымі, прадоўжыў Віктар Хрэнін. Захад і падкантрольныя яму дзяржавы прадаўжалі мэтанакіравана нагнятаць абстаноўку. Пад выглядам барацьбы з міграцыйным крызісам у Польшчы на граніцы з Беларуссю сканцэнтравалі сілы і сродкі трох з чатырох буйных польскіх сухапутных аб'яднанняў. Міністр абароны дадаў, што з боку Украіны, на картах якой Беларусь была абазначана як праціўнік, таксама ішло нарошчванне войскаў на беларуска-ўкраінскай граніцы.

"Практычна Захад адкрыта дэманстраваў гатоўнасць развязаць агрэсію супраць Беларусі. А з улікам агульнай абароннай прасторы ў рамках Саюзнай дзяржавы - і супраць Расіі. Цалкам заканамерна, што напружанасць перайшла ў гарачую фазу", - заявіў Віктар Хрэнін.

Паводле слоў міністра абароны, ваеннае процістаянне ва Украіне з'яўляецца знешняй праявай глабальнага цывілізацыйнага процістаяння паміж Захадам і Усходам. "Менавіта за сваё багатае жыццё ваюе сёння заходняя цывілізацыя на тэрыторыі Украіны рукамі ўкраінцаў у сучаснай версіі маштабнай проксі-вайны супраць Расіі. Пры гэтым наша краіна, як стратэгічны саюзнік Расіі, таксама ўцягнута ў гэта процістаянне", - сказаў Віктар Хрэнін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі