11 чэрвеня, Мінск /Кар. БЕЛТА/. У любой дзяржаве палітык, які заклікае да санкцый супраць сваёй жа краіны, ставіць крыж на палітычнай кар'еры, паколькі ён сваёй краіне прарочыць палітычны і эканамічны калапс. Такое меркаванне палітычнага аналітыка Вадзіма Баравіка публікуе газета "СБ. Беларусь сегодня", паведамляе БЕЛТА.
"Такая работа вядзецца. Ужо прайшла першая сустрэча ў рамках "Круглага стала дэмакратычных сіл", на ёй былі парламентарыі, прадстаўнікі розных аргкамітэтаў, юрысты і палітычныя эксперты. Мы прапрацоўваем рашэнне (аб адказнасці. - Заўвага БЕЛТА) у дзвюх формах. Або гэта закон аб унясенні змяненняў у Крымінальны кодэкс і КоАП, або дэкрэт Прэзідэнта. Вывучаем абова варыянты, яны будуць вынесены на разгляд кіраўніка дзяржавы. Акрамя крымінальнай і адміністрацыйнай адказнасці, ёсць яшчэ адна прапанова: паражэнне ў палітычных правах. Гэта значыць асобы, якія заклікаюць да санкцый, павінны на пэўны тэрмін пазбаўляцца права балаціравацца, удзельнічаць у палітычнай дзейнасці, выказвацца па грамадска-палітычных пытаннях. Для нас важна выпрацаваць максімальна справядлівы механізм спагнання такіх затрат. Напрыклад, каб не пацярпелі члены сям'і: цалкам можа аказацца, што маці і бацька дэструктыўшчыка, які дапускае такія заклікі, погляды яго зусім не падзяляюць", - адзначыў эксперт.
Таксама ён лічыць, што трэба падзяляць цяжар учынку. "Адна справа - нейкі недалёкі грамадзянін лайк паставіў. І зусім іншая - калі палітык бегае па еўрапейскіх прыёмных і выкленчвае санкцыі супраць сваёй краіны. Такі чалавек павінен панесці вельмі строгую адказнасць і назаўсёды забыць пра палітычную дзейнасць як здраднік нацыянальным інтарэсам. Трэба разумець, што нават сама ідэя абмеркавання санкцый, не кажучы ўжо пра іх увод, пагаршае інвестыцыйны клімат у краіне, падрывае давер інвестараў і іімідж краіны на міжнароднай арэне. Гэта значыць, шкода ўжо нанесена нават размовамі аб санкцыях, - падкрэсліў Вадзім Баравік. - Таму размова не толькі і не столькі пра імкненне пакараць кагосьці. Размова пра неабходнасць выхаваць у грамадства адказнасць перад уласнай краінай і ўласным народам. Каб, нягледзячы на любыя палітычныя баталіі, нязгоды з тым ці іншым пунктам гледжання, у адносінах да ўласнай краіны нават думкі не ўзнікала заклікаць да санкцый!".
Аналітык лічыць, што на міжнароднай арэне санкцыямі і іншым знешнім націскам проста маніпулююць зацікаўленыя. "Мэта - захоп рынкаў і нарошчванне геапалітычнага ўплыву. Шэраг дзяржаў выкарыстоўваюць збеглых палітыкаў - марыянетак, якія знаходзяцца ў поўнай залежнасці ад сваіх заходніх спонсараў, - як выразнікаў думкі народа. А тым часам ажыццяўляюць захоп рынкаў і лабіруюць свае інтарэсы на міжнароднай арэне. Не трэба быць наіўнымі: у свеце вельмі жорсткая канкурэнцыя, і ўсе крокі старанна прадуманы. Як толькі нехта адыходзіць з рынку або зніжае сваю прысутнасць на ім, гэту нішу тут жа займаюць канкурэнты. Таму ружовыя акуляры наконт "барацьбы за правы чалавека" пры дапамозе санкцый трэба здымаць. Усе змагаюцца за свае, у першую чаргу эканамічныя, інтарэсы", - рэзюмаваў Вадзім Баравік.-0-
