10 кастрычніка, Мінск /Кар. БЕЛТА/. Да 19 градусаў цяпла чакаецца ў Беларусі 11 кастрычніка, паведамілі БЕЛТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У чацвер чакаецца пераменная воблачнасць, будзе без ападкаў. Уначы і раніцай месцамі магчымы слабы туман. Вецер прагназуецца няўстойлівы слабы.
Тэмпература паветра ўначы складзе 2-8 градусаў вышэй за нуль, у асобных раёнах, пераважна па поўдні краіны, чакаюцца замаразкі да нуля - мінус 2. Удзень будзе 13-19 цяпла.-0-
