Мабільная версія
ДЗЯРЖОРГАНЫ

Апошнія навіны
Усе навіны

Студэнтка Акадэміі кіравання папрасіла правесці адзін працоўны дзень з Прэзідэнтам

Прэзідэнт 18.10.2019 | 16:25

18 кастрычніка, Мінск /Кацярына Крышэнік - БЕЛТА/. На сустрэчы ў Акадэміі кіравання адна са студэнтак спытала кіраўніка дзяржавы аб магчымасці правесці з Прэзідэнтам адзін працоўны дзень для атрымання практычнага кіраўніцкага вопыту, перадае карэспандэнт БЕЛТА.

Звяртаючыся да кіраўніка дзяржавы, студэнтка адзначыла, што апошнім часам расце папулярнасць такіх форм навучання, як замацаванне маладых спецыялістаў за вопытнымі кіраўнікамі на працягу аднаго працоўнага дня. Гэта дае магчымасць моладзі на практыцы даведацца аб спецыфіцы работы, атрымаць важны вопыт. У сувязі з гэтым дзяўчына спытала пра магчымасць правесці ў Прэзідэнтам адзін працоўны дзень.

"Мы гэта пытанне абмяркуем", - сказаў Аляксандр Лукашэнка і паабяцаў прадугледзець такую магчымасць у сваім графіку. Але пры гэтым папярэдзіў, што лёгка не будзе.

У графіку кіраўніка дзяржавы, напрыклад, часта прысутнічаюць спартыўныя трэніроўкі. "Калі ў вас няма спорту ў жыцці, вы ўпраўленцам не станеце, - лічыць кіраўнік дзяржавы. - Гэта для здароўя важна. Што за ўпраўленец, калі ён будзе дрэнна выглядаць? Таму мне даводзіцца не толькі займацца самому, не толькі вучыць сваіх і іншых дзяцей, але і дэманстраваць усяму народу, што трэба займацца спортам". Браць з яго прыклад даводзіцца і чыноўнікам. Не застануцца ўбаку і тыя студэнты, якія, магчыма, правядуць з Прэзідэнтам адзін працоўны дзень. "Вось у мяне такі дзень: увечары лыжаролеры. Глядзець вы не будзеце. Вы надзенеце ролікі і будзеце бегчы за мной. Гэта не жарт. Спытайце ў прэс-сакратара. Яна ў мяне за два-тры гады работы навучылася таму, што многія вялікія спартсмены не ўмелі рабіць, і таму, чаго яе не навучылі ў школе".

Прэзідэнт звярнуў асаблівую ўвагу на важнасць стажыровак у навучанні профільных спецыялістаў. Гэта дае магчымасць студэнтам на практыцы адчуць спецыфіку прафесіі і вызначыцца, ці захоча ён займацца гэтым у далейшым.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.