ДЗЯРЖОРГАНЫДЗЯРЖОРГАНЫ
Флаг Аўторак, 6 снежня 2022
Мінск -5°C
Усе навіны
Усе навіны
Прэзідэнт
08 верасня 2022, 12:30

"Што гаворыць народ?" Лукашэнка правёў рабочую сустрэчу з Качанавай

У час сустрэчы
У час сустрэчы

8 верасня, Мінск /Кар. БЕЛТА/. Прэзідэнт Беларусі Аляксандр Лукашэнка правёў рабочую сустрэчу са старшынёй Савета Рэспублікі Наталляй Качанавай, перадае карэспандэнт БЕЛТА.

"Улічваючы, што вы вельмі шмат праводзіце сустрэч з людзьмі (і тэлефонныя прамыя лініі, і сам-насам), што гаворыць народ? Я таксама шмат сустракаўся апошнім часам з людзьмі. Можа, мне не ўсё скажуць, як вам, таму гэта вельмі важна", - адзначыў Аляксандр Лукашэнка.

Кіраўнік дзяржавы пацікавіўся бягучай дзейнасцю Савета Рэспублікі і планамі на бліжэйшую перспектыву.

Прэзідэнт таксама нагадаў, што пры верхняй палаце парламента працуе экспертны савет. "Што вы бачыце, у якім напрамку тут рухацца, каб нам прымаць больш вывераныя і дакладныя законы ў нашай дзяржаве?" - спытаў ён.

Наталля Качанава ў сваю чаргу падзякавала кіраўніку дзяржавы за магчымасць абмеркаваць пытанні, якія, паводле яе слоў, цяпер на парадку дня.

Як расказала журналістам Наталля Качанава, адной з тэм сустрэчы стала работа са зваротамі грамадзян. "Галоўнае ў нашай палітыцы - гэта людзі. І тое, чым жывуць сёння нашы людзі, хвалюе нас, - адзначыла яна. - Пытанні абсалютна розныя, з якімі людзі звяртаюцца да нас, але мы бачым зрэз у цэлым. Я хачу сказаць, што людзі вельмі па-добраму ставяцца да сваёй краіны. Гэта праўда. Бачачы тое, што адбываецца ў свеце, напэўна, цяпер некалькі інакш ацэньваюць усё тое, што адбываецца ў нашай краіне. Тады, калі мы забяспечваем харчовую бяспеку, тады, калі на нашых вуліцах мір і спакой. Вядома, людзі гэта цэняць".

Частка пытанняў, з якімі грамадзяне звяртаюцца да сенатараў, павінны вырашацца мясцовымі органамі ўлады. І ў Савеце Рэспублікі трымаюць гэта на кантролі, падкрэсліла Наталля Качанава. Калі нешта неабходна ўрэгуляваць на заканадаўчым узроўні, парламентарыі бяруць гэта на заметку.

"Для нас гэта зваротная сувязь з людзьмі вельмі важная: мы разумеем, якія пытанні сёння найбольш актуальныя для таго ці іншага рэгіёна. У сваёй рабоце мы гэта вельмі актыўна выкарыстоўваем", - заявіла старшыня верхняй палаты парламента.

Пры Савеце Рэспублікі працуе экспертны савет - шырокае кола спецыялістаў далучаецца да разгляду і дасканалага аналізу дакументаў, якія паступілі. Іншымі словамі, будучыя нарматыўныя акты праходзяць сур'ёзны экспертны фільтр. "Са 131 дакумента, што паступіў да нас на экспертны савет, толькі 27 працэнтаў былі прыняты адразу. Астатнія або з заўвагамі, або мы выносілі рашэнне, што лічым немэтазгодным разгляд нарматыўнага прававога акта на гэтым этапе", - сказала Наталля Качанава.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі