9 кастрычніка, Мінск /Кар. БЕЛТА/. Выкарыстанне экстрэмістамі інфармацыйных тэхналогій - адзін з небяспечных выклікаў для чалавецтва. На гэта звяртаецца ўвага ў прывітанні Прэзідэнта Беларусі Аляксандра Лукашэнкі ўдзельнікам міжнароднай канферэнцыі "Прадухіленне і барацьба з тэрарызмам у лічбавую эпоху", якое на адкрыцці форуму зачытаў дзяржаўны сакратар Савета бяспекі Беларусі Станіслаў Зась, перадае карэспандэнт БЕЛТА.
"Выкарыстанне экстрэмістамі ва ўсім свеце інфармацыйных тэхналогій і сродкаў камунікацыі з'яўляецца адным з найбольш небяспечных выклікаў, якія падрываюць устойлівае развіццё ўсяго чалавецтва", - адзначыў кіраўнік дзяржавы.
У прывітанні падкрэсліваецца, што паспяховае процідзеянне гэтай пагрозе магчыма толькі праз скаардынаваныя партнёрскія дзеянні на нацыянальным, рэгіянальным і глабальным узроўнях.
"Перакананы, што канструктыўны і зацікаўлены абмен меркаваннямі дасць магчымасць выпрацаваць агульныя падыходы і наблізіць нас да эфектыўных рашэнняў праблем тэрарызму", - дадаў Прэзідэнт.-0-
