ДЗЯРЖОРГАНЫДЗЯРЖОРГАНЫ
Чацвер, 13 жніўня 2020
Мінск Суцэльная воблачнасць +17°C
Усе навіны
Усе навіны
Прэзідэнт
15 ліпеня 2020, 11:57

Лукашэнка: сваю краіну мы нікому не аддадзім і будзем яе абараняць

Аляксандр Лукашэнка ў час сустрэчы з актывам
Аляксандр Лукашэнка ў час сустрэчы з актывам

15 ліпеня, Віцебск /Уладзімір Мацвееў - БЕЛТА/. Сваю краіну нікому не аддадзім і будзем яе абараняць. Аб гэтым Прэзідэнт Беларусі Аляксандр Лукашэнка заявіў сёння на сустрэчы з актывам Віцебскай вобласці, перадае карэспандэнт БЕЛТА.

"Мы сваю краіну будзем абараняць усімі законнымі метадамі. Сваю краіну мы нікому не аддадзім", - падкрэсліў кіраўнік дзяржавы.

Аляксандр Лукашэнка адзначыў, што часам у заходніх суседзяў і партнёраў у ацэнцы таго, што адбываецца ў Беларусі, прысутнічаюць двайныя стандарты, асабліва ў перыяд выбараў. "Яны ўжо нам пачынаюць намякаць: вы глядзіце, каб усё было дэмакратычна, каб на вуліцы не было сутыкненняў..." - заўважыў Прэзідэнт.

У сувязі з гэтым ён згадаў аб падыходах праваахоўнікаў у час дэманстрацый "жоўтых камізэлек" у Францыі і апошнія народныя хваляванні ў ЗША. "Бачыце, што там адбываецца. Там без слёзатачывага газу не абыходзіцца. Пакрытыкуйце Трампа, ЗША за адсутнасць дэмакратыі. На Расію паспрабуйце наехаць. Пабойваюцца. І вось яны, напэўна, вырашылі зноў патрэніравацца на Беларусі. Не атрымаецца", - сказаў Аляксандр Лукашэнка.

"Хочаце назіраць за выбарамі - калі ласка, заўтра прыязджайце. Мы не супраць. Мы не хаваемся. Але нам паказваць пальцам, як жыць, не трэба. Мы ведаем, як жыць. У сябе трэба разабрацца. Там праблем больш за ўсё. Але, ведаеце, свае праблемы хочацца схаваць за шырмай суседніх нейкіх праблем. Трэба пальцам паказаць на суседзяў і на іншых. Таксама не атрымаецца. Не той час", - падкрэсліў беларускі лідар.

Тым не менш Аляксандр Лукашэнка лічыць, што ў заходніх партнёраў ёсць чаму павучыцца, у прыватнасці развіццю бізнесу, выкарыстанню новых тэхналогій. "Гэты вопыт трэба вывучаць і ўкараняць у сябе, што мы паспяхова робім", - сказаў ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі