17 верасня, Душанбэ /Кар. БЕЛТА/. Шанхайская арганізацыя супрацоўніцтва можа прымаць больш актыўны ўдзел ва ўрэгуляванні рэгіянальных канфліктаў. Аб гэтым Прэзідэнт Беларусі Аляксандр Лукашэнка заявіў сёння на пасяджэнні Савета кіраўнікоў дзяржаў - членаў Шанхайскай арганізацыі супрацоўніцтва ў Душанбэ, перадае карэспандэнт БЕЛТА.
"ШАС можа прымаць больш актыўны ўдзел ва ўрэгуляванні рэгіянальных супярэчнасцей і канфліктаў у Цэнтральнай, Паўднёва-Усходняй Азіі, Блізкага Усходу ды і планеты ў цэлым", - падкрэсліў кіраўнік дзяржавы.
Ён адзначыў, што злабадзённыя глабальныя выклікі - незаконны абарот наркотыкаў, тэрарызм, экстрэмізм, нелегальная міграцыя - хвалююць і Беларусь. Таму краіна падтрымлівае ініцыяванае Таджыкістанам рашэнне аб стварэнні антынаркатычнага цэнтра ШАС.-0-
