Мабільная версія
ДЗЯРЖОРГАНЫ

Апошнія навіны
Усе навіны

Лукашэнка расказаў аб маючых адбыцца двухбаковых кантактах з Пуціным

Прэзідэнт 21.06.2019 | 21:11
Аляксандр Лукашэнка і Дзмітрый Мядзведзеў
Аляксандр Лукашэнка і Дзмітрый Мядзведзеў

21 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка на сустрэчы са старшынёй урада Расійскай Федэрацыі Дзмітрыем Мядзведзевым расказаў аб графіку маючых адбыцца кантактаў з Прэзідэнтам Расіі Уладзімірам Пуціным для абмеркавання пытанняў беларуска-расійскага супрацоўніцтва, перадае карэспандэнт БЕЛТА.

"Я вітаю вас у Беларусі і ўдзячны за тое, што вы прыехалі да нас на адкрыццё важнай падзеі (II Еўрапейскія гульні. - Заўвага БЕЛТА). І не толькі. Але і, як дамаўляліся мы з Прэзідэнтам Расіі, што вы пагледзіце на тую работу нашай сумеснай групы, якая працуе над праблемнымі пытаннямі нашых узаемаадносін, і дадзіце сваё рэзюмэ перад тым, як мы сустрэнемся з Уладзімірам Уладзіміравічам", - сказаў кіраўнік дзяржавы.

Ён адзначыў, што Прэзідэнт Расіі планаваў прыехаць на закрыццё II Еўрапейскіх гульняў. "І мы сустрэнемся і пагаворым на гэту тэму і розныя іншыя. І ўжо калі ў нас будзе форум рэгіёнаў на радзіме ў вас (у сярэдзіне ліпеня ў Санкт-Пецярбургу. - Заўвага БЕЛТА), мы з ім паедзем на Валаам маліцца. І там дадаткова абмяркуем. Вось такі прыкладна быў план. Гэта намёткі толькі. Усё будзе залежаць ад таго, як будуць складвацца графікі прэзідэнтаў, перш за ўсё Прэзідэнта Расіі, таму што ў яго і "дваццатка" там…", - расказаў Аляксандр Лукашэнка.

Кіраўнік дзяржавы падкрэсліў, што прыезд Дзмітрыя Мядзведзева вельмі важны ў першую чаргу з пункту гледжання абмеркавання пытанняў беларуска-расійскіх адносін. "Я з задавальненнем гатовы абмеркаваць з вамі некаторыя пытанні, якія вы палічыце патрэбным для абмеркавання менавіта цяпер, - сказаў Прэзідэнт. - Вы наш госць, блізкі, родны госць. Як Пуцін кажа, мы - адзін народ. Таму мы рады вас бачыць тут".

Аб'ём беларуска-расійскага гандлю таварамі ў 2018 годзе склаў $35,5 млрд (109,4 працэнта да ўзроўню 2017 года), экспарт - $12,9 млрд, імпарт - $22,6 млрд. Тавараабарот у студзені-красавіку 2019 года быў $11,1 млрд. У студзені-сакавіку 2019 года на долю Расіі прыпадала $1,2 млрд, або 40,9 працэнта ад агульнага аб'ёму прыцягнутых у Беларусь замежных інвестыцый. Эканамічныя адносіны падтрымліваюцца з 80 расійскімі рэгіёнамі, у тым ліку з 70 - на аснове міжурадавых пагадненняў аб доўгатэрміновым супрацоўніцтве.-0-

Версія для друку
Навіны рубрыкі Прэзідэнт
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).