Лукашэнка прыбыў з рабочым візітам у Расію
 

1 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка прыбыў з рабочым візітам у Расію, паведамляе БЕЛТА.

Самалёт кіраўніка дзяржавы зрабіў пасадку ў аэрапорце Санкт-Пецярбурга. Каля трапа яго сустрэў губернатар Ленінградскай вобласці Аляксандр Драздзенка.

Як паведамлялася БЕЛТА, адбудзецца сустрэча кіраўніка беларускай дзяржавы з Прэзідэнтам Расіі Уладзімірам Пуціным. Размова пройдзе ў фармаце сам-насам.

Кіраўнікі дзяржаў у нефармальнай абстаноўцы абмяркуюць найбольш важныя і актуальныя пытанні, звязаныя з развіццём беларуска-расійскіх адносін, рэалізацыяй саюзных праектаў. У цэнтры ўвагі таксама будуць міжнародны парадак дня і тэматыка рэгіянальнай бяспекі.-0-