25 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Харватыі Зорана Міланавіча з нацыянальным святам - Днём дзяржаўнасці, паведамілі БЕЛТА ў прэс-службе беларускага лідара.
"Гісторыя канструктыўнага супрацоўніцтва нашых краін налічвае дзесяцігоддзі. Шматлікія асабістыя кантакты, эканамічныя, рэгіянальныя сувязі і актыўнае ўзаемадзеянне на пляцоўках міжнародных арганізацый сведчаць аб перспектывах беларуска-харвацкіх адносін", - гаворыцца ў віншаванні.
Кіраўнік дзяржавы таксама прапанаваў актыўней выкарыстоўваць існуючы патэнцыял у сферах турызму, энергетыкі, навукі і адукацыі.
Аляксандр Лукашэнка пажадаў Зорану Міланавічу моцнага здароўя і далейшых поспехаў на адказнай дзяржаўнай пасадзе, а народу Харватыі - міру і працвітання.-0-
