ДЗЯРЖОРГАНЫДЗЯРЖОРГАНЫ
Флаг Аўторак, 15 чэрвеня 2021
Мінск Ясна +22°C
Усе навіны
Усе навіны
Прэзідэнт
07 мая 2021, 13:31

Лукашэнка: паказаная інфармацыя аб раскрыцці змовы ў Беларусі - гэта кветачкі, ягадкі мы яшчэ пакажам

Аляксандр Лукашэнка
Аляксандр Лукашэнка

7 мая, Мінск /Кар. БЕЛТА/. Па справе аб спробе мяцяжу ў Беларусі будуць апублікаваны новыя, яшчэ больш гучныя факты. Аб гэтым Прэзідэнт Беларусі Аляксандр Лукашэнка заявіў сёння журналістам, перадае карэспандэнт БЕЛТА.

"Тое, што вы, журналісты з чэкістамі, правялі гэтыя аперацыі і людзям паказалі - кветачкі. Ягадка яшчэ не паказана. Але мы пакажам яе, і вы жахняцеся таму, што вы ўбачыце", - заявіў Аляксандр Лукашэнка.

Кіраўнік дзяржавы адзначыў, што людзі, якія не паглыблены ў сітуацыю і не разбіраюцца ў гэтых працэсах, не ўспрымаюць затрыманых сур'ёзна: "Нейкія філосафы, старыя - як яны маглі нешта ўчыніць?"

"Яны і не рабілі б гэта. А вось хто гэта планаваў рабіць (гэта мы ведаем), а хто выканаўца, мы вам пакажам. І яшчэ раз падкрэсліваю: вы проста жахняцеся ад гэтага", - дадаў Прэзідэнт.

Паводле яго слоў, замежныя спецслужбы былі здзіўлены таму, якую сур'ёзную аперацыю змаглі правесці іх беларускія калегі. "Расіяне сказалі, што гэта бывае раз у жыцці спецслужбаў, каб далёка на подступах раскрыць такую змову, - адзначыў Аляксандр Лукашэнка. - Ніхто ж фэйкамі не займаўся: мы паказваем канкрэтныя факты. Але самае галоўнае - яны ж прызнаюцца".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі