12 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка наведае дзяржаўную ўстанову "Адміністрацыя Парка высокіх тэхналогій", паведамляе БЕЛТА.
Кіраўнік дзяржавы агледзіць экспазіцыю распрацовак вядучых кампаній - рэзідэнтаў ПВТ, дзе азнаёміцца з рэзультатамі работы рэзідэнтаў ПВТ па развіцці лічбавых тэхналогій для сельскай гаспадаркі, аховы здароўя, адукацыі, фінансаў, транспарту, гандлю, экалогіі, робататэхнікі, лазераў, оптыкі, мікраэлектронікі. Прэзідэнту даложаць аб рэзультатах і перспектывах работы ПВТ.
Плануецца таксама, што на нефармальнай сустрэчы Аляксандра Лукашэнкі з прадстаўнікамі IT-супольнасцей будуць абмеркаваны актуальныя пытанні развіцця ПВТ і галіны ў цэлым.
У сустрэчы прымуць удзел прадстаўнікі IT-супольнасцей не толькі з Беларусі, але і Расіі, ЗША, Швецыі, Рэспублікі Карэя.-0-
