Мабільная версія
ДЗЯРЖОРГАНЫ
Апошнія навіны
Усе навіны

Лукашэнка: для Беларусі важна далейшае паглыбленне ўзаемадзеяння з Кітаем

Прэзідэнт 20.09.2018 | 11:05
Чжаа Лэцзі і Аляксандр Лукашэнка
Чжаа Лэцзі і Аляксандр Лукашэнка

20 верасня, Мінск /Аліна Грышкевіч - БЕЛТА/. Для Беларусі важна далейшае паглыбленне ўзаемадзеяння з Кітаем. Аб гэтым заявіў Прэзідэнт Беларусі Аляксандр Лукашэнка сёння на сустрэчы з членам Пастаяннага камітэта Палітбюро Цэнтральнага камітэта Кампартыі Кітая, сакратаром Цэнтральнай камісіі КПК па праверцы дысцыпліны Чжаа Лэцзі, які 20-22 верасня наведвае Мінск, перадае карэспандэнт БЕЛТА.

"Шчыра рады вітаць вас на гасціннай беларускай зямлі. Вы ў Беларусі ўпершыню. Асабліва прыемна, што менавіта ў нашу краіну вы ажыццяўляеце першы візіт пасля выбрання дзеючага складу кіраўніцтва Кампартыі Кітая", - адзначыў кіраўнік дзяржавы.

Карыстаючыся выпадкам, ён асабіста павіншаваў Чжаа Лэцзі з назначэннем на такія высокія і адказныя партыйныя пасады - члена Пастаяннага камітэта Палітбюро ЦК КПК і сакратара Цэнтральнай камісіі КПК па праверцы дысцыпліны.

Аляксандр Лукашэнка адзначыў важнасць таго, што ў чэрвені гэтага года ў горадзе Цындаа ў час саміту Шанхайскай арганізацыі супрацоўніцтва ён сустракаўся са Старшынёй КНР Сі Цзіньпінам, дзе яны сумесна аб'явілі аб уступленні ў новы этап беларуска-кітайскага супрацоўніцтва. "Беларусь і Кітай, як прынята сёння гаварыць, сталі "жалезнымі братамі", - заўважыў кіраўнік дзяржавы. Ён нагадаў, што ў маі ў Мінску прымалі намесніка Старшыні КНР Ван Цішаня. "Рады, што бесперапынны дыялог на найвышэйшым узроўні прадаўжаецца, захоўваючы глыбіню двухбаковых адносін, - прадоўжыў Прэзідэнт Беларусі. - Кожная сустрэча дае новы імпульс у спалучэнні развіцця нашых краін у імя пабудавы супольнасці адзінага лёсу".

"З пункту гледжання кіраўніцтва Беларусі нашы адносіны з Кітаем інтэнсіўныя і ўсёабдымныя, яны дынамічна развіваюцца. І такой дынамікай беларускі бок задаволены. Зразумела, што на гэтым доўгім, вельмі складаным і цяжкім шляху заўсёды будуць нявырашаныя праблемы, задачы, якія трэба будзе рэалізоўваць", - падкрэсліў Прэзідэнт.

"Вельмі важна сёння пачуць ваша меркаванне па якасці нашага ўзаемадзеяння і напрамках паглыблення беларуска-кітайскага супрацоўніцтва", - сказаў Аляксандр Лукашэнка.

Візіт высокага кітайскага госця праходзіць у рамках рэалізацыі мемарандума аб супрацоўніцтве паміж Адміністрацыяй Прэзідэнта Беларусі і міжнародным аддзелам ЦК КПК. На сёння запланаваны таксама перагаворы Чжаа Лэцзі з прэм'ер-міністрам Беларусі Сяргеем Румасам і кіраўніком Адміністрацыі Прэзідэнта Наталляй Качанавай. На заўтра намечана яго сустрэча са старшынёй Савета Рэспублікі Міхаілам Мясніковічам.

Чжаа Лэцзі мае намер таксама наведаць Кітайска-беларускі індустрыяльны парк "Вялікі камень", пабываць у Беларускім дзяржаўным музеі гісторыі Вялікай Айчыннай вайны, Нацыянальнай бібліятэцы, на гісторыка-культурным комплексе "Лінія Сталіна".

Беларусь і Кітай аб'ядноўваюць агульнасць прынцыпаў унутранай і знешняй палітыкі, супадзенне поглядаў на праблемы сусветнага парадку дня. Наладжаны рэгулярныя міжведамасныя кантакты. Аказваецца ўзаемная падтрымка ў міжнародных арганізацыях.

У верасні 2016 года кіраўнікі дзвюх дзяржаў Аляксандр Лукашэнка і Сі Цзіньпін дасягнулі дамоўленасці аб устанаўленні новага асаблівага ўзроўню двухбаковых адносін - давернага ўсебаковага стратэгічнага партнёрства і ўзаемавыгаднага супрацоўніцтва.-0-

Версія для друку
Навіны рубрыкі Прэзідэнт
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як падрыхтаваць аўтамабіль да зімы Зімовы набор аўтааматара: трос, правады для "прыкурвання", скрабок са шчоткай, рызінавыя дыванкі з высокім бортам, шчыток для радыятара.