11 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка даручыў старшыні Савета Рэспублікі Наталлі Качанавай арганізаваць правядзенне фінальнай экспертызы заканадаўчых актаў перад іх падачай на подпіс кіраўніку дзяржавы. Адпаведнае ўказанне Прэзідэнт даў сёння ў час нарады па пытаннях прававога рэгулявання гаспадарчай дзейнасці, перадае карэспандэнт БЕЛТА.
"Давядзецца Савету Рэспублікі і вам асабіста гэтым заняцца, каб мы, не дай бог, не дапусцілі якіх-небудзь ляпаў або хто-небудзь не прапхнуў у заканадаўства таго, што сёння жыццём не запатрабавана, - падкрэсліў Аляксандр Лукашэнка. - У Савеце Рэспублікі вопытныя людзі, ад вытворчасці. Таму трэба будзе стварыць каманду добрых юрыстаў, філосафаў, правазнаўцаў і іншых людзей, якія будуць працаваць пры Савеце Рэспублікі і важнейшыя дакументы будуць "прасвечваць" на прадмет жыцця, жыццяздольнасці".-0-
