ДЗЯРЖОРГАНЫДЗЯРЖОРГАНЫ
Флаг Серада, 26 студзеня 2022
Мінск -6°C
Усе навіны
Усе навіны
Прэзідэнт
22 лістапада 2021, 18:24

Лукашэнка: чаму я павінен затрымліваць бежанцаў, калі яны ідуць у Вялікабрытанію або Германію?

22 лістапада, Мінск /Кар. БЕЛТА/. Беларускі бок не будзе затрымліваць бежанцаў, якія на законных падставах трапілі ў краіну і цяпер імкнуцца ў краіны Еўрапейскага саюза. Аб гэтым Прэзідэнт Беларусі Аляксандр Лукашэнка заявіў у інтэрв'ю брытанскай медыякампаніі Бі-бі-сі, паведамляе БЕЛТА.

Кіраўнік дзяржавы нагадаў, што ў 2020 годзе Беларусь і Еўрапейскі саюз заключылі пагадненне аб рэадмісіі. Да падпісання гэтага дакумента бакі ішлі доўга, была праведзена вялікая работа. "Таму што рэадмісія ў адзін бок быць не можа. Нам трэба было дамовіцца і з Расіяй, Расіі трэба было дамовіцца з вамі, - растлумачыў Прэзідэнт. - Калі бежанцы ў вас прайшлі цераз Беларусь, вы нам іх вярталі, але вы павінны былі пабудаваць у нас або прафінансаваць будаўніцтва пунктаў для гэтых бежанцаў. Пайшла работа".

Аднак пасля прэзідэнцкіх выбараў у Беларусі ў жніўні мінулага года Еўрапейскі саюз пачаў уводзіць санкцыі супраць краіны і спыніў свае абавязацельствы па пагадненні аб рэадмісіі. "Вы, уводзячы санкцыі супраць Беларусі, адышлі ад дагавора аб рэадмісіі, перасталі будаваць гэтыя пункты пропуску для бежанцаў. І тады я сказаў: "Санкцыі плюс ваша адмова ад работы з бежанцамі, эмігрантамі - да пабачэння". Чаму я іх павінен затрымліваць на граніцы, калі яны ідуць у Вялікабрытанію, Германію? Я не буду іх затрымліваць на граніцы, трымаць іх на граніцы. Паўтараю: і ў далейшым не буду, калі яны будуць ісці цераз Беларусь. Таму што яны ідуць не да мяне, а да вас. Вось у чым быў сэнс. Але я іх сюды не клікаў і не хачу, калі шчыра гаварыць, каб яны ішлі цераз Беларусь", - адзначыў Аляксандр Лукашэнка.

Пры гэтым кіраўнік дзяржавы звярнуў увагу, што Беларусь - гэта толькі адзін з маршрутаў для бежанцаў трапіць у краіны Еўрапейскага саюза. Куды больш значныя патокі мігрантаў накіроўваюцца ў ЕС цераз Міжземнае мора і Балканы.

"Скажыце, калі ласка, чаму вы бучу не ўзнімаеце наконт бежанцаў: з Францыі 600 чалавек нядаўна да вас праніклі, і ў вас канфлікт. І Макрон (Прэзідэнт Францыі. - Заўвага БЕЛТА) прыгразіў, што адключыць электрычнасць на нейкіх вашых брытанскіх астравах. Чаму вы пра гэта не расказваеце народу?" - спытаў Прэзідэнт у журналіста.

Аляксандр Лукашэнка таксама нагадаў аб падзеях сямігадовай даўнасці: у 2014 годзе, пасля пачатку баявых дзеянняў на Данбасе, Беларусь на працягу некалькіх месяцаў прыняла 160 тыс. бежанцаў з Украіны. "Прадаставіўшы ім усе правы, якімі тады валодалі беларусы: бясплатную адукацыю, ахову здароўя бясплатную, работу і гэтак далей і да таго падобнае. Чаму тады Еўрапейскі саюз разам з Вялікабрытаніяй і Амерыка не прад'явілі мне прэтэнзіі. Таму што так было нармальна. Добра было. Яны не ў Еўрапейскі саюз ірванулі, хоць часткова і туды ішлі, а 160 тысяч да мяне. І я іх прыняў як родных. У гэтай сітуацыі тысячы бежанцаў хочуць да вас", - заўважыў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі