Фота з архіва
27 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Рэспублікі Сьера-Леонэ Джуліуса Маада Біа з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.
"Беларусь зацікаўлена ў будаўніцтве доўгатэрміновага партнёрства з Фрытаўнам. Думаю, што абедзве краіны, нягледзячы на геаграфічную адлегласць, маюць значны патэнцыял узаемадзеяння, якое неабходна пераводзіць на сістэмную аснову", - адзначыў кіраўнік дзяржавы.
У віншаванні гаворыцца, што Мінск гатовы сумеснымі намаганнямі стварыць цвёрдую інстытуцыйную базу для паспяховай рэалізацыі двухбаковых праектаў, асабліва ў сферах прамысловай кааперацыі і сельскай гаспадаркі.
Прэзідэнт Беларусі выказаў перакананасць, што інтэнсіфікацыя міждзяржаўных кантактаў, абмен вопытам і тэхналогіямі прынясуць рэальную карысць народам дзвюх краін.
Аляксандр Лукашэнка пажадаў Прэзідэнту Сьера-Леонэ моцнага здароўя і невычэрпнай энергіі, а грамадзянам гэтай краіны - шчасця і дабрабыту.-0-
Падпісвайцеся на нас у
