30 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Генеральнага сакратара Арганізацыі Аб'яднаных Нацый Антоніу Гутэрыша з днём нараджэння. Аб гэтым БЕЛТА паведамілі ў прэс-службе беларускага лідара.
Кіраўнік дзяржавы выказаў упэўненасць, што многія дасягненні ААН сталі магчымымі дзякуючы ўменню Антоніу Гутэрыша арганізаваць працэс перагавораў, аб'яднаць вакол сябе ўсіх неабыякавых для пошуку аптымальных рашэння па шэрагу вострых праблем сучаснасці.
"Імкненне арганізацыі весці дыялог на аснове ўзаемнай павагі, безумоўна, знаходзіцца ў інтарэсах усяго чалавецтва. Беларусь высока цэніць ваш асабісты ўклад у гэту работу. Спадзяюся, што мы прадоўжым наша канструктыўнае і эфектыўнае ўзаемадзеянне пасля вашага перавыбрання на наступны тэрмін. Карыстаючыся выпадкам, хацеў бы выказаць цвёрдую падтрымку з боку Беларусі вашай кандыдатуры на пасадзе Генеральнага сакратара ААН", - адзначыў Прэзідэнт.
Аляксандр Лукашэнка падкрэсліў, што Беларусь застаецца прыхільнай да мэт дзейнасці арганізацыі і пацвярджае гатоўнасць развіваць міжнароднае супрацоўніцтва з захаваннем прынцыпаў суверэнітэту і неўмяшання ва ўнутраныя справы.-0-
