25 чэрвеня, Мінск /Кар. БЕЛТА/. Дзень моладзі і студэнцтва будзе адзначацца ў Беларусі ў апошнюю нядзелю чэрвеня, паведамілі БЕЛТА ў прэс-службе беларускага лідара.
Кіраўнік дзяржавы Аляксандр Лукашэнка падпісаў указ нумар 237, у адпаведнасці з якім уносяцца змяненні ва ўказ ад 26 сакавіка 1998 г. нумар 157 "Аб дзяржаўных святах, святочных днях і памятных датах у Рэспубліцы Беларусь".
Дакумент прадугледжвае перайменаванне Дня моладзі ў Дзень моладзі і студэнцтва. Змяненні накіраваны на павышэнне статусу студэнцкай моладзі і яе ролі ў грамадска-палітычным жыцці беларускага грамадства і дзяржавы, а таксама будуць садзейнічаць аб'яднанню студэнцкай і працуючай моладзі на аснове лепшых традыцый пераемнасці маладзёжных рухаў.-0-