16 сакавіка, Мінск /Кар. БЕЛТА/. У Міністэрстве замежных спраў Кеніі адбылася сустрэча Надзвычайнага і Паўнамоцнага Пасла Рэспублікі Беларусь Паўла Узяткіна з генеральным дырэктарам дэпартамента па шматбаковых і міжнародных пытаннях Салімам Мухамедам і дырэктарам дэпартамента Еўропы і краін Садружнасці Анджэлін Мусілі. Аб гэтым карэспандэнту БЕЛТА расказалі ў беларускай дыпламатычнай місіі ў Кеніі.
Пасол Беларусі праінфармаваў кенійскіх дыпламатаў аб выніках праведзенага ў нашай краіне рэферэндуму і прыняцці абноўленай Канстытуцыі.
У ходзе сустрэчы бакі абмеркавалі планы па развіцці супрацоўніцтва паміж Беларуссю і Кеніяй у двухбаковым фармаце і ў рамках міжнародных арганізацый, а таксама вынікі праведзенай у пачатку сакавіка 2022 года ў горадзе Найробі пятай сесіі Асамблеі Арганізацыі Аб'яднаных Нацый па навакольным асяроддзі.-0-
