ДЗЯРЖОРГАНЫДЗЯРЖОРГАНЫ
Пятніца, 26 лютага 2021
Мінск Суцэльная воблачнасць +5°C
Усе навіны
Усе навіны
Палітыка
26 студзеня 2021, 16:55

Галоўчанка: ёсць усе перадумовы для пераадолення спаду ў гандлі паміж Беларуссю і Расіяй

Раман Галоўчанка
Раман Галоўчанка

26 студзеня, Масква /Эдуард Півавар - БЕЛТА/. Беларусь і Расія маюць усе перадумовы для пераадолення ў 2021 годзе спаду ва ўзаемным гандлі, выкліканага наступствамі пандэміі. Аб гэтым заявіў прэм'ер-міністр Беларусі Раман Галоўчанка сёння ў Маскве на перагаворах з прэм'ер-міністрам Расіі Міхаілам Мішусціным, перадае карэспандэнт БЕЛТА.

"Нягледзячы на ўсе складанасці, Расія - традыцыйна буйнейшы партнёр нашай краіны: 44 працэнты за 11 месяцаў мінулага года мы зафіксавалі долю Расіі ў знешнім гандлі таварамі і паслугамі, - сказаў Раман Галоўчанка. - У нас не адбылося крытычнага зніжэння ўзаемнага гандлю, нягледзячы на адзначаныя вамі складанасці з COVID-19. Хоць, вядома, мы страцілі каля 20 працэнтаў агульных аб'ёмаў. У гэтым годзе, лічу, ёсць перадумовы, каб гэты факт пераадолець. Сітуацыя абсалютна кіруемая, у нас ёсць значныя рэзервы і ў прамысловасці, і сельскай гаспадарцы, і будаўніцтве. Таму прамыя кантакты, нацэленыя на вынік работы, у цяперашніх умовах - прыярытэтная задача для ўрадаў, адпаведных ведамстваў і суб'ектаў гаспадарання нашых дзяржаў".

Прэм'ер-міністр Беларусі падкрэсліў, што Расія - бліжэйшы партнёр і саюзнік, у бакоў шырокі і пазітыўны двухбаковы парадак дня. "У Саюзнай дзяржаве вельмі шмат агульных выклікаў і насычаны парадак дня ўзаемадзеяння", - канстатаваў ён.

"Для ўсіх неангажыраваных наглядальнікаў відавочна, што дзякуючы ўзаемадзеянню, якое канструктыўна складваецца паміж кіраўнікамі, кіраўнікамі дзяржаў, урадамі, мы ўсе пытанні вырашаем абсалютна канструктыўна", - падкрэсліў Раман Галоўчанка.

Кіраўнік беларускага ўрада адзначыў паспяховы запуск Беларускай АЭС, назваўшы яе буйнейшым інтэграцыйным праектам дзесяцігоддзя, які рэалізаваны на ўзаемавыгадных умовах. "Дасягнуты сістэмныя дамоўленасці па ўдзеле прамысловай прадукцыі ў дзяржаўных і муніцыпальных закупках, у асноўным вырашаны пытанні аб допуску беларускай сельскагаспадарчай прадукцыі на расійскі рынак, наладжана добрае ўзаемадзеянне па ўвядзенні маркіроўкі і прасочвальнасці тавараў", - пералічыў Раман Галоўчанка.

У ліку актуальных задач, над якімі трэба працаваць урадам дзвюх краін у гэтым годзе, прэм'ер-міністр Беларусі назваў пошук сістэмных рашэнняў па агульных энергетычных рынках Саюзнай дзяржавы і Еўразійскага эканамічнага саюза, рэгуляванні сістэмных пытанняў доступу прадукцыі на агульны рынак. "Мы даўно павінны былі падысці да вырашэння важнейшага пытання - гэта паняцце "тавар" або "прадукцыя і паслуга" Саюзнай дзяржавы", - заявіў прэм'ер-міністр Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі