ДЗЯРЖОРГАНЫДЗЯРЖОРГАНЫ
Флаг Аўторак, 30 лістапада 2021
Мінск -3°C
Усе навіны
Усе навіны
Палітыка
29 верасня 2021, 10:42

Гайдукевіч: заходнія цэнтры пасля няўдалай спробы дзяржперавароту робяць стаўку на тэрарызм

Алег Гайдукевіч. Фота з архіва
Алег Гайдукевіч. Фота з архіва

29 верасня, Мінск /Кар. БЕЛТА/. Заходнія цэнтры пасля няўдалай спробы дзяржперавароту робяць стаўку на тэрарызм. Так карэспандэнту БЕЛТА пракаменціраваў забойства супрацоўніка Камітэта дзяржбяспекі ў Мінску дэпутат Палаты прадстаўнікоў, старшыня Ліберальна-дэмакратычнай партыі Алег Гайдукевіч.

"Нахабнае і цынічнае забойства супрацоўніка КДБ сведчыць аб тым, што заходнія цэнтры, якія планавалі дзяржаўны пераварот у краіне, пасля няўдалай рэвалюцыі робяць стаўку на тэрарызм, экстрэмізм і інструмент санкцый. Санкцыі павінны падштурхнуць тэрарыстычную, экстрэмісцкую дзейнасць, на іх погляд. І пачынаецца фінансаванне гэтай дзейнасці. Усе спробы замахаў, забойстваў, зброя, што знаходзіцца ў Беларусі, - ужо даказана, што фінансаванне ідзе з-за мяжы. Інакш кажучы, стаўка будзе рабіцца на гэта, - сказаў Алег Гайдукевіч. - Я, як дэпутат парламента, намеснік старшыні камісіі па міжнародных справах, як лідар партыі, перакананы, што павінен быць строгі адказ на гэта ўсё. З тэрарыстамі і экстрэмістамі размоў быць не павінна ніякіх".

Дэпутат заклікаў супрацоўнікаў спецслужбаў берагчы сябе. "Вы ратуеце краіну. Рабіце ўсё, каб вы не гінулі. Дзейнічайце жорстка. І мы павінны прыцягнуць да адказнасці ўсіх, хто знаходзіцца за мяжой. Тых, хто на працягу ўсяго часу заклікаў да гэтага, фінансаваў, арганізоўваў, - адзначыў ён. - Парламент ужо зрабіў першы крок. Мы ўнеслі законапраект аб адказнасці за санкцыі. Цяпер адкрываецца асенняя сесія. Я ўпэўнены, што мы павінны яшчэ больш узмацніць адказнасць. Мы не дазволім, каб вось так забівалі нашых маладых хлопцаў, герояў, якія ратуюць нашу краіну, таму самыя жорсткія меры павінны быць. Я як дэпутат да гэтага заклікаю і ўпэўнены, што парламент, грамадства і ўвесь народ гэта падтрымае. Мы хочам жыць у спакойнай краіне. Нас хочуць вярнуць у пачатак 90-х гадоў. З нас хочуць зрабіць Украіну, Югаславію. Мы гэтага не дазволім".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі