ДЗЯРЖОРГАНЫДЗЯРЖОРГАНЫ
Флаг Панядзелак, 27 чэрвеня 2022
Мінск +22°C
Усе навіны
Усе навіны
Палітыка
28 лютага 2022, 11:41

Дэлегацыя Украіны прыбыла на перагаворы з Расіяй

28 лютага, Гомельская вобласць /Кар. БЕЛТА/. Украінская дэлегацыя прыбыла да месца перагавораў з расійскім бокам у Гомельскай вобласці, перадае карэспандэнт БЕЛТА.

Украінскі бок прызямліўся на беларускіх ваенных верталётах недалёка ад месца перагавораў. Як пісалі ў СМІ, на тэрыторыю Беларусі ён прыбыў з боку Польшчы. Паводле папярэдняй інфармацыі, узначальвае дэлегацыю кіраўнік фракцыі правячай партыі "Слуга народа" ў Вярхоўнай радзе Давід Арахамія.

У склад расійскай дэлегацыі ўвайшлі прадстаўнікі МЗС, Міністэрства абароны, Адміністрацыі Прэзідэнта і іншых ведамстваў. Узначаліў яе памочнік Прэзідэнта Расіі Уладзімір Мядзінскі.

Бакі правядуць сустрэчу недалёка ад украінскай граніцы на беразе ракі Прыпяць.

Як паведамлялася, Прэзідэнт Беларусі Аляксандр Лукашэнка напярэдадні патэлефанаваў украінскаму калегу Уладзіміру Зяленскаму. Палітыкі дамовіліся, што ўкраінская дэлегацыя сустрэнецца з расійскай без папярэдніх умоў на ўкраінска-беларускай граніцы ў раёне ракі Прыпяць.

Пасля гэтага кіраўнік беларускай дзяржавы звярнуўся да Прэзідэнта Расіі з прапановай расійскай дэлегацыі, якая прыбыла ў Гомель для ўдзелу ў мірных перагаворах, затрымацца і перанесці перагаворы - у сувязі з затрымкай дэлегацыі з Украіны. Уладзімір Пуцін прапанову беларускага калегі падтрымаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі