Мабільная версія
ДЗЯРЖОРГАНЫ

Апошнія навіны
Усе навіны

Дэкларацыя аб стратэгічным эканамічным супрацоўніцтве краін СНД прынята ў Ашхабадзе

Палітыка 11.10.2019 | 14:26
Фота з архіва
Фота з архіва

11 кастрычніка, Ашхабад /Уладзімір Мацвееў - БЕЛТА/. Дэкларацыя аб стратэгічным эканамічным супрацоўніцтве краін СНД прынята ў Ашхабадзе на саміце Садружнасці, удзел у якім прыняла беларуская дэлегацыя на чале з Прэзідэнтам Аляксандрам Лукашэнкам, перадае карэспандэнт БЕЛТА.

Дакумент фарміруе ўзгоднены падыход да рэалізацыі эканамічных інтарэсаў Садружнасці і кожнай з дзяржаў СНД. Дэкларацыя накіравана на стварэнне эфектыўных механізмаў партнёрства, якія дадуць магчымасць удасканальваць развіццё эканамічных сувязей як у Садружнасці, так і ва ўзаемадзеянні з іншымі дзяржавамі і міжнароднымі арганізацыямі.

Як расказаў напярэдадні, адказваючы на пытанне карэспандэнта БЕЛТА, старшыня Выканаўчага камітэта - выканаўчы сакратар СНД Сяргей Лебедзеў, дэкларацыя распрацавана з улікам працэсаў лічбавізацыі. Ініцыятыва аб падрыхтоўцы дэкларацыі і яе падпісанні раней была вылучана Прэзідэнтам Туркменістана. "Яна адразу ж атрымала падтрымку дзяржаў СНД. На працягу двух гадоў вялася карпатлівая работа па ўзгадненні тэксту дэкларацыі", - адзначыў Сяргей Лебедзеў.

Адказваючы на пытанне, чаму ўзнікла неабходнасць у такім дакуменце, нягледзячы на і так актыўнае эканамічнае ўзаемадзеянне ўдзельнікаў Садружнасці, выканаўчы сакратар СНД сказаў: "Праходзіць час, і многія дакументы, якія рэгламентуюць нашы эканамічныя ўзаемаадносіны, паступова становяцца ўстарэлымі. З'яўляюцца новыя моманты ў міжнародным жыцці, эканамічных узаемаадносінах. І гэта дэкларацыя якраз актуалізавала нашы патрэбнасці ў развіцці эканамічных сувязей. Туды прыцягнуты новыя элементы. У прыватнасці, з'явіўся такі тэрмін, як лічбавізацыя, укараненне лічбавай эканомікі".

Такім чынам, у праекце дэкларацыі змешчаны палажэнні, актуальныя для эканамічных узаемаадносін дзяржаў Садружнасці. "Яна атрымала падтрымку ва ўсіх краінах СНД. Сумесна была ўзгоднена і распрацавана. Прадстаўнікі дзяржаў дапоўнілі яе сваімі прапановамі. Мы спадзяёмся, што гэты важны і грунтоўны дакумент будзе рэгламентаваць напрамкі дзейнасці ў эканамічным узаемадзеянні на бліжэйшыя гады", - дадаў Сяргей Лебедзеў.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Партрэт кандыдата ў дэпутаты Усяго арганізаваны 5831 участак для галасавання, з якіх 46 за межамі краіны. Агульная колькасць выбаршчыкаў - 6 880 605 чалавек, з якіх за мяжой 3 682 чалавекі.