Мабільная версія
ДЗЯРЖОРГАНЫ

Апошнія навіны
Усе навіны

Беларускае зямляцтва ў Ізраілі ўносіць важны ўклад у паглыбленне супрацоўніцтва дзвюх краін - пасол

Палітыка 15.03.2019 | 09:57

15 сакавіка, Мінск /Кар. БЕЛТА/. Беларускае зямляцтва ў Ізраілі ўносіць важны ўклад у паглыбленне супрацоўніцтва дзвюх краін. Такое меркаванне выказаў пасол Беларусі ў Ізраілі Уладзімір Скварцоў у час справаздачна-выбарнага сходу Ашдодскага аддзялення Усеізраільскага аб'яднання выхадцаў з Беларусі (УАУА) - буйнейшага сярод рэгіянальных структур беларускага зямляцтва ў Ізраілі, паведамілі БЕЛТА ў пасольстве Беларусі ў Ізраілі.

Кіраўнік дыпмісіі адзначыў, што ў Ашдодзе пражывае згуртаваная і актыўная абшчына ўраджэнцаў Беларусі, якая ўносіць сур'ёзную лепту ў паглыбленне беларуска-ізраільскага культурна-гуманітарнага супрацоўніцтва па каналах грамадскай дыпламатыі. Сярод пунктаў двухбаковага парадку дня, рэалізаванага абшчынай і пасольствам, у шэрагу выпадкаў - пры падтрымцы мясцовых улад, былі названы шматлікія канцэрты беларускіх выканаўцаў на пляцоўках горада, удзел творчых калектываў у музычных фестывалях у абедзвюх краінах, а таксама пратакольныя і выставачныя мерапрыемствы, прысвечаныя розным датам гісторыі Беларусі і Ізраіля. Традыцыйнымі сталі штогадовыя Купалаўскія чытанні, праводзімыя ў Ашдодзе ля памятнага знака класіку беларускай літаратуры, адкрытага ў 2015 годзе ў рамках сумеснай ініцыятывы пасольства і абшчыны.

Як падкрэсліў пасол, бягучы год багаты на падзеі міжнароднага фармату ў абедзвюх дзяржавах. Ізраіль стане краінай - гаспадыняй музычнага конкурсу "Еўрабачанне-2019", які пройдзе ў сярэдзіне мая ў Тэль-Авіве. Мінск жа будзе прымаць у апошняй дэкадзе чэрвеня буйнейшае спартыўнае свята кантынента - ІІ Еўрапейскія гульні. Важнейшай падзеяй года, якой будуць прысвечаны ў тым ліку сумесныя мерапрыемствы дыпмісіі і Усеізраільскага аб'яднання выхадцаў з Беларусі, стане 75-годдзе вызвалення Беларусі ад нямецка-фашысцкіх захопнікаў.

Пасол запрасіў землякоў наведаць беларускую сталіцу ў перыяд ІІ Еўрапейскіх гульняў і ўрачыстасцей з нагоды вызвалення, а таксама пабрацім Ашдода - горад Брэст, які адзначае ў гэтым годзе тысячагоддзе з дня ўтварэння.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сотавая сувязь у Беларусі Паслугі сотавай рухомай электрасувязі ў Беларусі аказваюць тры аператары: ЗАТ "БеСТ", ТАА "МТС" і УП "Велком".