19 лістапада, Мінск /Аліна Грышкевіч - БЕЛТА/. Беларусь мае намер пашыраць супрацоўніцтва з Азербайджанам. Аб гэтым сказаў журналістам, адказваючы на пытанне карэспандэнта БЕЛТА, Андрэй Раўкоў, назначаны сёння Надзвычайным і Паўнамоцным Паслом Беларусі ў Азербайджанскай Рэспубліцы.
Кіраўнік дыпламатычнай місіі падкрэсліў, што Азербайджан - гэта традыцыйна дружалюбная для Беларусі краіна.
"Азербайджанская Рэспубліка з'яўляецца здабытчыкам энерганосьбітаў, у яе ёсць магчымасць фінансаваць праекты, у тым ліку сумесныя", - звярнуў увагу ён. Пры гэтым новы пасол адзначыў, што Беларусь і Азербайджан супрацоўнічаюць даўно і эфектыўна, асабліва ў гандлёва-эканамічнай сферы. Развіццё двухбаковых кантактаў у гэтым, а таксама іншых напрамках з'яўляецца важным для абодвух бакоў. Давядзецца таксама актыўна працаваць над пашырэннем экспарту беларускай прадукцыі ў Азербайджан, дадаў Андрэй Раўкоў.-0-