8 верасня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Ісламскай Рэспубліцы Пакістан Андрэй Мяцеліца сустрэўся з намеснікам міністра замежных спраў Пакістана Аішай Фарукі (нацыянальны каардынатар па справах Шанхайскай арганізацыі супрацоўніцтва). Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
У ходзе сустрэчы абмеркаваны актуальныя пытанні двухбаковага парадку дня. Асобная ўвага ўдзелена тэматыцы ўзаемадзеяння ў рамках Шанхайскай арганізацыі супрацоўніцтва, у тым ліку графіку перспектыўных кантактаў. Бакі канстатавалі, што сфарміраваны фармат адносін будзе садзейнічаць далейшаму ўмацаванню палітычнага і гандлёва-эканамічнага супрацоўніцтва паміж Рэспублікай Беларусь і Пакістанам.
Дыпламатычныя адносіны паміж Рэспублікай Беларусь і Ісламскай Рэспублікай Пакістан устаноўлены 3 лютага 1994 года. Пасля адкрыцця пасольства Рэспублікі Беларусь у Ісламскай Рэспубліцы Пакістан і пакістанскай дыпламатычнай місіі ў Беларусі назіраецца істотная актывізацыя беларуска-пакістанскіх адносін.-0-
