ДЗЯРЖОРГАНЫДЗЯРЖОРГАНЫ
Флаг Аўторак, 29 лістапада 2022
Мінск -1°C
Усе навіны
Усе навіны
Палітыка
10 сакавіка 2022, 12:13

Андрэйчанка паслу Ірана: толькі аб'яднаўшыся, мы можам процістаяць санкцыям Захаду

Уладзімір Андрэйчанка і Саід Яры
Уладзімір Андрэйчанка і Саід Яры

10 сакавіка, Мінск /Кар. БЕЛТА/. Толькі аб'яднаўшыся, мы можам процістаяць санкцыям Захаду, заявіў старшыня Палаты прадстаўнікоў Уладзімір Андрэйчанка ў час сустрэчы з Надзвычайным і Паўнамоцным Паслом Ірана ў Беларусі Саідам Яры, перадае карэспандэнт БЕЛТА.

"Ужо не толькі Іран, але і Рэспубліка Беларусь, і наш агульны партнёр Расія сутыкнуліся з беспрэцэдэнтнымі санкцыямі, націскам з боку Злучаных Штатаў Амерыкі і іх саюзнікаў. Мэты іх мы выдатна ведаем - яны, мякка кажучы, нядобрыя. Па вялікім рахунку, гэта злачынныя мэты. І, вядома ж, толькі аб'яднаўшыся і разам узаемадзейнічаючы, мы можам выстаяць у гэтых умовах", - сказаў Уладзімір Андрэйчанка.

Спікер адзначыў, што сённяшняя сустрэча праходзіць напярэдадні свята Наўруз. "Таму я хачу павіншаваць вас з надыходзячым святам. Прыміце ад нас самыя добрыя пажаданні асабіста вы, і мы жадаем працвітання вашай краіне", - падкрэсліў ён.

Уладзімір Андрэйчанка канстатаваў, што ўмацаванню двухбаковага супрацоўніцтва будзе садзейнічаць далейшае развіццё і ўмацаванне нашых краін. "Як вы памятаеце, у верасні мінулага года адбылася сустрэча прэзідэнтаў нашых дзяржаў у Душанбэ, дзе былі дасягнуты дамоўленасці па трох важных напрамках. Гэта фарміраванне дарожнай карты развіцця нашага супрацоўніцтва, актывізацыя работы змешанай двухбаковай камісіі па эканамічным супрацоўніцтве і таксама завяршэнне рэалізацыі інвестыцыйных праектаў. Гэтыя пытанні, а таксама пытанні нашага міжпарламенцкага супрацоўніцтва абмяркоўваліся ў час майго візіту ў вашу краіну ў рамках інаўгурацыі Прэзідэнта Ісламскай Рэспублікі Іран Ібрахіма Раісі і сустрэчы са спікерам спадаром Галібафам у жніўні мінулага года. У верасні месяцы мінулага года ўсе прапановы беларускага боку па змесце гэтай дарожнай карты былі перададзены іранскаму боку ў ходзе сустрэчы міністраў замежных спраў у рамках праходжання Генеральнай Асамблеі ААН, - дадаў ён. - Мы зацікаўлены ў развіцці нашых адносін і спадзяёмся, што прапановы беларускага боку па дарожнай карце будуць у бліжэйшы час разгледжаны вашым бокам".

Пасол падзякаваў Уладзіміру Андрэйчанку за сустрэчу. "Я вельмі рады, што сёння з'явілася такая магчымасць сустрэцца з вамі. Перш за ўсё, хацеў бы перадаць вам добрыя пажаданні і прывітанні ад спадара Галібафа. Таксама, у сваю чаргу, хацеў бы павіншаваць вас і беларускі народ з паспяховым правядзеннем рэспубліканскага рэферэндуму. Галоўная мэта сённяшняй сустрэчы - гэта перадача вам запрашэння ад спадара Галібафа для вашага афіцыйнага візіту ў Іран", - адзначыў Саід Яры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі