14 лютага, Масква /Эдуард Півавар - БЕЛТА/. Трохбаковая сустрэча генеральнага сакратара АДКБ Станіслава Зася, кіраўніка Антытэрарыстычнага цэнтра СНД Яўгена Сысоева і дырэктара Выканаўчага камітэта Рэгіянальнай антытэрарыстычнай структуры Шанхайскай арганізацыі супрацоўніцтва Руслана Мірзаева пройдзе 16 лютага ў Маскве. Аб гэтым БЕЛТА паведаміў прэс-сакратар АДКБ Уладзімір Зайнетдзінаў.
"Бакі абмяркуюць актуальныя пытанні ўзаемадзеяння па процідзеянні тэрарызму і экстрэмізму, умацаванні супрацоўніцтва рабочых органаў Шанхайскай арганізацыі супрацоўніцтва, Садружнасці Незалежных Дзяржаў і Арганізацыі Дагавора аб калектыўнай бяспецы", - адзначыў прэс-сакратар.
"Па выніках сустрэчы адбудзецца падпісанне Сумеснай пазіцыі Рэгіянальнай антытэрарыстычнай структуры Шанхайскай арганізацыі супрацоўніцтва, Антытэрарыстычнага цэнтра дзяржаў - удзельніц Садружнасці Незалежных Дзяржаў і Сакратарыята Арганізацыі Дагавора аб калектыўнай бяспецы па пытаннях процідзеяння тэрарызму і экстрэмізму", - дадаў Уладзімір Зайнетдзінаў.-0-