У Мінску неабходна развіваць інавацыйнае і сацыяльнае прадпрымальніцтва. Такую думку 9 верасня журналістам перад правядзеннем у сталіцы круглага стала, прысвечанага перспектывам развіцця вытворчага бізнесу, выказала дырэктар Саюза прадпрымальнікаў і наймальнікаў імя М.Куняўскага Жанна Тарасевіч, перадае карэспандэнт БЕЛТА.
"Найбольш перспектыўна развіваць у Мінску інавацыйнае і сацыяльнае прадпрымальніцтва. Мы прывыклі да таго, што сацыяльныя аб'екты звычайна фінансуе дзяржава, але за мяжой складваецца іншая сітуацыя. Напрыклад, у Германіі сацыяльныя заказы выконваюць амаль 93 працэнты суб'ектаў прадпрымальніцкай дзейнасці. У Мінску ж такія напрамкі, як развіццё жыллёва-камунальнай гаспадаркі, бытавога абслугоўвання насельніцтва, з'яўляюцца новай нішай для вытворчага бізнесу", - сказала Жанна Тарасевіч.
Яна адзначыла, што дзяржава аказвае малому і сярэдняму бізнесу немалую падтрымку ў выглядзе розных накіраваных на гэта дзяржпраграм, розных форм падатковага і экспартнага стымулявання. Аднак разам з тым усё яшчэ існуе дастаткова праблем, якія неабходна вырашаць, для таго каб бізнес развіваўся.
Сярод асноўных макраэканамічных праблем спецыяліст назвала даволі вялікі падатковы цяжар прадпрыемстваў у выглядзе абавязковых адлічэнняў у фонд сацыяльнай абароны насельніцтва і падатку на дабаўленую вартасць. Праблемнымі часта становяцца і пытанні, звязаныя з сертыфікацыяй прадукцыі. "З аднаго боку, гэта якасць, з іншага - даволі дарагая прадукцыя, якая за кошт гэтага становіцца неканкурэнтаздольнай. Вырашыць гэту праблему можна на ўзроўні змянення заканадаўства", - падкрэсліла Жанна Тарасевіч. Таксама, паводле яе слоў, у Мінску неабходна задумацца аб стварэнні цэнтраў, якія садзейнічалі б развіццю непасрэдна экспартнага патэнцыялу горада.
"Згодна з апошнімі даследаваннямі Сусветнага банка, малыя і сярэднія прадпрыемствы найбольш прыбытковыя. У іх, як правіла, вышэйшая рэнтабельнасць, яны хутчэй прыстасоўваюцца да рынку, хутчэй рэагуюць на яго патрэбнасці. Таму я думаю, што будучае за гэтымі відамі бізнесу", - падкрэсліла дырэктар саюза.
Усяго ў Мінску працуюць 45257 суб'ектаў малога і сярэдняга бізнесу (паступленні ў кансалідаваны бюджэт склалі Br12,4 трлн) і 72316 індывідуальных прадпрымальнікаў (паступленні ў бюджэт - Br7,9 млрд). З іх вытворчымі з'яўляюцца 4,5 тыс. малых прадпрыемстваў. Аб'ём вытворчасці прамысловай прадукцыі малым і сярэднім бізнесам у фактычных цэнах склаў Br19074 млрд, уклад у агульны аб'ём прамысловай вытворчасці горада - 17,3 працэнта.
У круглым стале "Вытворчы бізнес у Мінску: практыка, праблемы і перспектывы", што адбыўся 9 верасня ў сталіцы, прынялі ўдзел амаль 70 кіраўнікоў вытворчых арганізацый, экспертаў, прадстаўнікоў зацікаўленых міністэрстваў і ведамстваў. Удзельнікі абмеркавалі такія праблемныя для іх пытанні, як сертыфікацыя, выплата падаткаў з курсавой розніцы, высокі кошт арэнды, праблемы доступу да крэдытных рэсурсаў.
"Найбольш перспектыўна развіваць у Мінску інавацыйнае і сацыяльнае прадпрымальніцтва. Мы прывыклі да таго, што сацыяльныя аб'екты звычайна фінансуе дзяржава, але за мяжой складваецца іншая сітуацыя. Напрыклад, у Германіі сацыяльныя заказы выконваюць амаль 93 працэнты суб'ектаў прадпрымальніцкай дзейнасці. У Мінску ж такія напрамкі, як развіццё жыллёва-камунальнай гаспадаркі, бытавога абслугоўвання насельніцтва, з'яўляюцца новай нішай для вытворчага бізнесу", - сказала Жанна Тарасевіч.
Яна адзначыла, што дзяржава аказвае малому і сярэдняму бізнесу немалую падтрымку ў выглядзе розных накіраваных на гэта дзяржпраграм, розных форм падатковага і экспартнага стымулявання. Аднак разам з тым усё яшчэ існуе дастаткова праблем, якія неабходна вырашаць, для таго каб бізнес развіваўся.
Сярод асноўных макраэканамічных праблем спецыяліст назвала даволі вялікі падатковы цяжар прадпрыемстваў у выглядзе абавязковых адлічэнняў у фонд сацыяльнай абароны насельніцтва і падатку на дабаўленую вартасць. Праблемнымі часта становяцца і пытанні, звязаныя з сертыфікацыяй прадукцыі. "З аднаго боку, гэта якасць, з іншага - даволі дарагая прадукцыя, якая за кошт гэтага становіцца неканкурэнтаздольнай. Вырашыць гэту праблему можна на ўзроўні змянення заканадаўства", - падкрэсліла Жанна Тарасевіч. Таксама, паводле яе слоў, у Мінску неабходна задумацца аб стварэнні цэнтраў, якія садзейнічалі б развіццю непасрэдна экспартнага патэнцыялу горада.
"Згодна з апошнімі даследаваннямі Сусветнага банка, малыя і сярэднія прадпрыемствы найбольш прыбытковыя. У іх, як правіла, вышэйшая рэнтабельнасць, яны хутчэй прыстасоўваюцца да рынку, хутчэй рэагуюць на яго патрэбнасці. Таму я думаю, што будучае за гэтымі відамі бізнесу", - падкрэсліла дырэктар саюза.
Усяго ў Мінску працуюць 45257 суб'ектаў малога і сярэдняга бізнесу (паступленні ў кансалідаваны бюджэт склалі Br12,4 трлн) і 72316 індывідуальных прадпрымальнікаў (паступленні ў бюджэт - Br7,9 млрд). З іх вытворчымі з'яўляюцца 4,5 тыс. малых прадпрыемстваў. Аб'ём вытворчасці прамысловай прадукцыі малым і сярэднім бізнесам у фактычных цэнах склаў Br19074 млрд, уклад у агульны аб'ём прамысловай вытворчасці горада - 17,3 працэнта.
У круглым стале "Вытворчы бізнес у Мінску: практыка, праблемы і перспектывы", што адбыўся 9 верасня ў сталіцы, прынялі ўдзел амаль 70 кіраўнікоў вытворчых арганізацый, экспертаў, прадстаўнікоў зацікаўленых міністэрстваў і ведамстваў. Удзельнікі абмеркавалі такія праблемныя для іх пытанні, як сертыфікацыя, выплата падаткаў з курсавой розніцы, высокі кошт арэнды, праблемы доступу да крэдытных рэсурсаў.
